vaxtlı-vaxtında oxuyun! Şənbə, 20 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
SƏNƏTÇİ  
13:37 | 10 iyul 2022 | Bazar Məqaləyə 1682 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qara yubiley ...

... Yaxud 85 il əvvəl sönən ulduz

Dünən, iyulun 9-da bütün günü Azərbaycan Televiziyasında oldum və “Mədəniyyət” kanalı ilə hər bazar ertəsi nümayiş etdirilən VƏTƏNİM verilişinin növbəti sayını hazırladım.

Əlimin altında ehtiyat materiallar vardı və həmin gün irəlicədən edilmiş tədarük baxımından bəlkə də başqa bir neçə verilişi hazırlamaq daha rahat başa gələrdi. Ancaq nədirsə ürəyim istədi ki, məhz böyük yazıçı və mərd insan Seyid Hüseyn haqda olan telehekayəti efirə hazırlayım.

Dünən iyulun 9-u idi və düz 85 il əvvəl – 1937-ci il iyulun 9-da Seyid Hüseynin həyatı bitmişdi.

Yəni həmin gün həlak olmamışdı. Onu o gün həbs etmişdilər. Bağdan gəlib aparmışdılar.

Və daha onun əlavə neçə gün, neçə həftə, neçə ay sağ qalmasının heç bir mənası yox idi.

Həmin gündən o ailəsindən, əzizilərindən, yazı masasından, qələmindən-kağızından əbədilik ayrıldı.

Parlaq bir ulduzu söndürdülər.

Düz 85 il əvvəl.

İndi kim deyər ki, bu, taleyin cazibəsi, ruhun hökmü deyil ki, mən məhz 2022-nin 9 iyulunda 10-11 saat fasiləsiz onunlaydım?!

Həmin verilişə oktyabr ayında baxa biləcəksiniz.

Allah Seydi Hüseynə, ömür yoldaşı Umgülsüm xanıma, övladlarına – dünyaya gözəlliklər yaratmaqçün gəlmiş və çox əzablar görmüş bu misilsiz insanlara rəhmət eləsin!