vaxtlı-vaxtında oxuyun! Çərşənbə, 24 iyul 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
QARABAĞ  
08:35 | 19 iyul 2022 | Çərşənbə axşamı Məqaləyə 1102 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Böyük qayıdış başlayır

“19 iyul 2022-ci il” Azərbaycanın tarix kitablarında əbədi yer alacaq

Eldəniz ƏMİROV

MÖVZU İLƏ ƏLAQƏLİ

Hamı dünəndən yazır ki, bu gün işğaldan azad edilmiş ərazilərimizə böyük qayıdış başlayır. Kimi bunu bir az pafoslu, kimi poetik, kimi də sadəcə öz yazı üslubunda ifadə edir. Hamı haqlıdır. İnsanların sevinclərini ifadə etmək haqları vardır.

Bəli, bu geri dönüş Zəngilandan – Ağalı kəndindən başlayır. İctimaiyyət adətən son məhsulu görür: kənd qurulub və insanlar qayıdır. Amma bu kəndin “Ağıllı” konsepsiyasına uyğun qurulması, yaradılması, ora köçəcək insanların müəyyən edilməsi, onların orda həyat və iqtisadi fəaliyyətinin qurulması üçün bir ildən artıqdır ki, ciddi işlər gedir. Bilirik ki, insanların bir ərazidə yaşaması üçün orada məşğulluğunun, biznes fəaliyyətinin təmin olunması ən vacib faktorlardandır. Məhz bu konteksdən bu işlərin uğurla icrasında KOBİA (Kiçik və Orta Biznesin İnkişafı Agentliyi) ailəsinin böyük əməyi vardı. Və bu əmək KOBİA ailəsinin hər bir üzvü tərəfində böyük sevgilə sərf edilib. Ona görə də bu gün mən və eləcə də KOBİA ailəsinin hər bir üzvü çox sevincliyik. 

O ki, qaldı, “19 iyul 2022-ci il” tarixinə, bu tarixin Azərbaycanın tarix kitablarında əbədi yer alacağına heç şübhə etmirəm.