vaxtlı-vaxtında oxuyun! Bazar ertəsi, 22 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
REGİON  
11:45 | 11 noyabr 2022 | Cümə Məqaləyə 707 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

2 faizdən 40-a qalxıb

Rusiyada keyfiyyətsiz məhsulların həcmi niyə artıb?

Elxan ŞAHİNOĞLU

MÖVZU İLƏ ƏLAQƏLİ

Rusiya Ukraynada işğalçı müharibəyə görə sərt sanksiyalardan əziyyət çəkir. Rusiyalı rəsmilər bu faktı etiraf etməsələr də, iqtisadiyyatda ciddi problemlər mövcuddur. Rusiyanın bilgisayarlara, telefonlara və digər texniki avadanlıqlara ehtiyacı var. Rusiyada bunların istehsalı yoxdur, Qərb ölkələrindən isə ala bilmir.

Rusiya lazımi avadanlıqları Çindən almağa çalışır. Ancaq “Kommersant” qəzetinin yazdığına Rusiyanın Çindən aldığı texniki avadanlıqlar keyfiyyətsizdir. Rusiyanın keçmiş illərdə Çindən aldığı texniki avadanlıqların 2 faizi keyfiyyətsiz idisə, Ukraynada işğalçı müharibə başladıqdan sonra bu rəqəm 40 faizə qalxıb. Çünki Rusiyanın Çindən aldığı texniki avadanlıqların həcmi artıb.  Digər tərəfdən texniki avadanlıqların çatdırılmasında logistik problemlər mövcuddur. Rusiya şirkətləri texniki avadanlıqları birbaşa müəssisələrdən deyil, vasitəçilərdən alırlar. Bu səbəbdən texniki avadanlıqların keyfiyyətini yoxlamaq çətinləşir. İqtisadi ekspertlər Rusiyada keyfiyyətli texniki məhsullara qiymətlərin bundan sonra da artacağını proqnozlaşdırırlar. 

Rusiya üzlədiyi sanksiyalara görə 162 böyük layihədə istifadə edilən idxal məhsullarından imtina edib. Həmin məhsullar ya Çindən alınır, ya da Rusiyanın özündə istehsal edilir. Ancaq hər iki halda məhsulun keyfiyyətində ciddi problemlər var. Rusiyanın kimya sənayesində də ciddi problemlər mövcuddur.

Bu arada, rusiyalı ekspertlərin Çinin siyasəti ilə bağlı şikayətlər də artıb. Misal üçün rusiyalı ekspert Serkey Markov ölkəsinin Ukraynaya qarşı apardığı müharibə fonunda Rusiyanın yalnız iki müttəfiqi olduğunu bildirib: Belarus və İran. Markov Çinin Rusiyanın “ümidlərini” doğrultmadığını vurğulayıb: “Türkiyə və Birləşmiş Ərəb Əmirlikləri Rusiya ilə münasibətlərdə daha səmimidirlər, nəinki Çin. Bu ölkənin rəsmiləri sözdə Rusiyanı dost dövlət adlandırırlar, əməldə isə biz bunu görmürük. Görünür, Pekin ABŞ-ın sanksiyalarından ehtiyat edir. Rusiya Hindistana da etibar etmir. Çünki bu dövlətin də ABŞ-la sıx münasibətləri var”.

Kremlin dost dövlətlərdən gözləntisi budur ki, həmin ölkələr Rusiyanın Ukraynada apardığı işğalçı müharibəni dəstəkləsin. Ancaq bu mümkün deyil. Rusiyanın dostları və tərəfdaşları da anlayırlar ki, bu işğalçı müharibədir.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)