Tehran dözmədi...
İran səfirimizə qarşı psixoloji, siyasi təzyiq göstərmək variantına əl atıb
Bəybala MİRZƏYEV
MÖVZU İLƏ ƏLAQƏLİ
-
İranda timsah həyəcanı
Sel nəticəsində 8 nəfərin ölümü təsdiqlənib
-
“Haşdi Şabi”ni kim vurub?
Partlayış səsləri bu dəfə İraqdan gəldi
-
Tehran-İsfahan-Məşhəd arasında “gəzinti”
Zahidinin ölümündən əvvəlki səyahət marşrutu suallar yaradıb
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
İki general öldürüldü
İsrail İranın Dəməşqdəki konsulluğunu vurdu, Tehranda nümayişlər
-
İsrailin Hələbə hücumu
Onlarla rejim və Hizbullah yaraqlısı öldürülüb
-
Bizimlə dirəşən o birilərlə barışır
İran ətrafında halqa daralıb, sanksiyalar sərtləşib
-
İran elitasında parçalanma?
Uğurlu inqilab üçün əsas amil
-
Xalqa qarşı 9500 “Hizbullah”çı ...
Molla rejimi etirazçılara qarşı Yəmən, İraq və Əfqanıstandan terrorçular gətirir?
-
Mollaları silkələyən şüarlar...
“Biz hamımız Mohsen Şəkəriyik!”
-
İran odla oynayır ...
... yaxud bir Abbasılıq qiyməti olmayan yalan
-
İranı qarışdıracaq daha bir qətl
Sünni dini lideri qaçırdılar və üç güllə vurdular
-
HHM qarşılığında PUA
Rusiya və İran tam hüquqlu tərəfdaşa çevrilir
-
Allahsızlığın iki növü...
Cəllad Miloşeviç cəzasını verənlər Xameneyiyə göz yumur ...
-
“Onu asanlıqla aldadırlar”
İranlı nazir: “Makron MKİ tərəfindən idarə olunur”
-
Xameneyinin “xeyir duası”
Baş molla Qarabağı qana bulamağa çalışır
Azərbaycan səfirinin İran XİN-ə çağırılması gözlənilən idi. Onsuz da proses buna doğru gedirdi. İki ölkə arasında gündən-günə pisləşən münasibətlər fonunda tərəflərdən birinin və ya hər ikisinin qarşı tərəfin səfirini XİN-ə çağırıb xəbərdarlıq etməsini və ya nota verməsini gündən-günə yaxınlaşdıran olayları mütəmadi izləyirik.
Əslində iki ölkə arasında münasibətləri gündən-günə gərginləşdirən biz deyilik, İranın özüdür. İstər rəsmi Tehranın sözçüləri və deputatlar, istər SEPAH-ın lovğa generalları və Amuli kimi lotu mollalar, istərsə də İran mediası hər gün Azərbaycan əleyhinə aramsız olaraq qızışdırıcı, təxribatçı və hədələyici açıqlamalar verir, yazılar dərc edirlər. Bizsə bütün bu saçma-sapan ittiham və sayıqlamaların olsa-olsa yüzdə birinə cavab veririk.
Yəni ki, İranın bizim səfirimizi yox, bizim İran səfirini Xarici İşlər Nazirliyinə (XİN) çağırmağa, ona öz etirazımızı bildirməyə tam haqqımız çatır. Lakin İran tərəfi həmişə olduğu kimi yenə də “qara məni basınca, mən qaranı basım” prinsipi ilə hərəkət edərək diplomatik revanşa keçir.
Belə ki, Azərbaycan Respublikasının Tehrandakı səfiri Əli Əlizadə bu gün axşam saatlarında İran Xarici İşlər Nazirliyinə (XİN) çağırılıb.
İran mediasının verdiyi məlumata görə, səfirimizin XİN-ə çağrılmasına “Azərbaycan mediasında İran əleyhinə təbliğatın aparılması” səbəb kimi göstərilib.
Ancaq bu da çox yaxşı olardı ki, İranın xarici işlər naziri Əmir Hüseyn Abdullahiyan səfirimizi XİN-ə çağırtdırıb, “Azərbaycan mediasında İran əleyhinə təbliğatın aparılması”nı onun diqqətinə çatdırmazdan öncə öz ölkəsinin mətbuatında Azərbaycan Respublikasının ünvanına yağdırılan hərzə-hədyanlara, sərsəm açıqlamalara, iftira və təhqirlərə heç olmasa, ötəri bir nəzər salaydı.
Abdullahiyan isə ermənilər kimi davranıb İran mətbuatında Azərbaycan əleyhinə baş alıb gedən çirkabı, dezinformasiyaları, hədələri görməzdən gəlir. Çünki...
Çünki Azərbaycana, azərbaycanlılara, türk millətinə qarşı nifrət və qəzəb bu gün İranı idarə edənlərin gözlərini tutub. Onlar Azərbaycana qarşı əsəbi davranışlarını gizlədə bilmirlər və ya gizlətmək istəmirlər.
Fars-molla rejimi Azərbaycan” və “azərbaycanlı” sözlərindən o dərəcədə qorxur ki, onlar hal-hazırda Güney Azərbaycan türklərinə də qənim kəsiliblər. İran millisinin Azərbaycan əsilli sabiq futbolçusu Əli Daei barəsində ölüm hökmünün çıxarılması da bunun əyani sübutudur.
Molla rejimi veteran futbolçunu Məhsa Əmini adlı hicablı qızın öldürülməsinə qarşı etiraz aksiyalarında iştirak etməkdə günahlandırır.
Rejim o dərəcədə azğınlaşıb ki, Əli Daei ilə yanaşı, daha yüzlərlə etirazçının edam edilməsinə hazırlaşır.
Göründüyü kimi İslam adından çıxış edən bu ölkə üçün insan amilinin heç bir qədir-qiyməti yoxdur.
Qonşularımız insan qanına susayıblar. Ermənilər bizə qarşı düşmən niyyətlərindən heç cürə əl çəkmirlər. Rusiya Ukraynaya qarşı təcavüzünü davam etdirir. İran isə yan-yörəsindəki ölkələrin 99 faizi ilə düşmən və ya qeyri-dost vəziyyətindədir. İranın yaxşı münasibətdə olduğu yalnız iki ölkə var - Rusiya və Ermənistan...
Ancaq tarixin dərinliklərindən gələn ulu bir həqiqət də var ki, qana susayan dövlətlər günün birində qan gölündə boğulur, məhv olur...
P.S.: Bu gedişlə bizim də İran səfirini XİN-ə çağırmağımız üçün şərait yetişir. İranın bizə qarşı diplomatik revanşına qarşı eyni üsulla cavab vermək haqqımız var.