vaxtlı-vaxtında oxuyun! Şənbə, 15 may 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
ƏDƏBİYYAT  
11:19 | 4 aprel 2014 | Cümə Məqaləyə 2624 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Əylisli yenə aləmi qarışdırdı

«Ağsaqqal yazıçının bu cür danışmağı ayıbdır»

MÖVZU İLƏ ƏLAQƏLİ

Bu günlərdə görkəmli yazar İsa Hüseynov dünyasını dəyişdi. O, Azərbaycan ədəbiyyatında «Məhşər», «Tütək səsi», «Yanar ürək» kimi əsərlərin müəllifi kimi tanınmışdı.

Lakin bu böyük yazıçı özünə «Muğanna» təxəllüsünü götürəndən sonra tamam fərqli üslub, baxış və mövzulara yer verən bir yazarla üzləşdik. Beləcə, onun yaradıcılığı da «İsa Hüseynov» və «İsa Muğanna» dövrlərinə ayrıldı. Amma sual çıxdı: İsa Hüseynovu İsa Muğannaya çevirən səbəblər nə idi? Hansı əsl İsa idi? Oxucuların ürəyində hansı İsa daha dərin iz qoyub?

Virtualaz.org bildirir ki, «Azadlıq» radiosunun «Pen club» verilişi həmin sualları cavablandırmaq üçün «Azərbaycan» jurnalının baş redaktor müavini Əsəd Cahangiri, Nizami adına Ədəbiyyat İnstitutu direktorunun müavini Şəmil Sadiqı, yazarlardan Əziz Rzazadə və Əkrəm Əylislini studiyaya dəvət edib.

Yazıçı Əkrəm Əylisli İsa Muğanna (Hüseynov) və onun əsərləri barədə sərt fikirlər səsləndirib.

Modern.az-ın məlumatına görə,  Ə.Əylislinin bu fikirlərinə  Nizami adına Ədəbiyyat İnstitutunun direktor müavini Şəmil Sadiq münasibət bildirib: «O verilişə telefonla bağlanmışdım. Təəssüflər olsun, sonra əlaqə itdi və verilişə qoşula bilmədim. Çünki verilişə telefonla qoşulan Əkrəm Əylisli İsa Muğannanın yaratdığı Muğanna ideologiyasını nağıl, ona dəyər verənləri isə milli faciə əlaməti kimi qiymətləndirdi. Üstəgəl özünü İsa Muğanna ilə dost, qardaş kimi qələmə verdi. Birinci, millət anlayışını dərk edə bilməyən, Azərbaycançılıq ruhunu erməni ruhuna dəyişən Əkrəm Əylislinin İsa Muğannaya qiymət verməyə, «onun Muğanna yaradıcılığını milləti parçalamağa və dini qarışıqlıq yaratmağa xidmət edir» deməyə haqqı çatmır. Milli düşüncəni daşımayan birisinin millətin taleyindən danışmağa heç kim icazə vermir və qəbul etmir. İkinci, bu gün İsa Muğannaya olan hörməti görüb özünü onun dostu kimi təqdim etməsi ədəbdən kənardır. Özü də yaxşı bilir ki, İsa Muğanna onu qəbul etmir, yaxın da buraxmırdı. Bu haqda dəfələrlə söhbətimiz olub. Ağsaqqal yazıçının bu cür danışmağı ayıbdır».


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.