vaxtlı-vaxtında oxuyun! Bazar ertəsi, 27 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Nəriman Nərimanov (1870 - 1925)

«Siz ata-babalarınızın müqəddəs yerlərinə o vaxt VƏTƏN deyə bilərsiniz ki, onun sahibi olasınız»

Nəriman Nərimanov (1870 - 1925)
QARABAĞ  
21:54 | 13 aprel 2016 | Çərşənbə Məqaləyə 3560 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

ANAMA iş başında

Son 6 gündə 45 ədəd PHS aşkar olunaraq zərərsizləşdirilib

MÖVZU İLƏ ƏLAQƏLİ

Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) aprelin 13-də Tərtər, Ağdam, Goranboy və Füzuli rayonlarında aşkar olunan partlamamış hərbi sursatlar (PHS) haqqında növbəti hesabatını yayıb.

Agentliyin mətbuat xidmətindən virtualaz.org-a verilən məlumata görə, ümumilikdə 7-13 aprel 2016-cı il tarixlərində Tərtər, Ağcabədi, Ağdam, Füzuli və Goranboy rayonlarında 176 ev və həyətyanı sahəyə, 4 ferma və 1 əkin sahəsinə baxış keçirilib, 45 ədəd PHS aşkar olunaraq zərərsizləşdirilib.

Hazırda Agentlik tərəfindən yaradılmış minaaxtaran itlərin dəstəyi ilə xüsusi təyinatlı mobil çevik qrupları tərəfindən təmas xəttində yerləşən kəndlərdə evlərlə yanaşı, məktəblər və digər obyektlərin yerləşdiyi ərazilərdə əməliyyatlar davam etdirilir.


Tərtər rayonu

Qapanlı kəndi – Gün ərzində Qapanlı kəndində 2 ev və həyətyani sahələrdə 9 partlayış yerinə baxış keçirilib, partlamamış sursat aşkar edilməyib.

Əskipara kəndi – 4 ferma və 10 partlayış yerinə baxış keçirilib, 1 əkin sahəsində 30 ədəd 122 mm-lik partlamamış top mərmisi aşkar olunaraq, götürülüb.


Ağdam rayonu

Əfətli kəndı – 4 həyətyanı sahəyə baxış keçirilib, 3 ədəd torpaq altında partlamış qrad raketinin qalıqları çıxarılıb.


Goranboy rayonu

Tapqaraqoyunli kəndində - 12 ev və həyətyanı sahələrdə 14 partlayış yerinə baxış keçirilib, 13 ədəd partlamış və 1 ədəd partlamamış 122 mm-lik top mərmisi aşkar olunaraq götürülüb.


Füzuli rayonu

Mizənağılı kəndində - 2 ev və həyətyanı sahələrdə 2 partlayış yerinə, Qazaxlar kəndində - 1 ev və həyətyanı sahələrdə 1 partlayış yerinə, Əhmədalılar kəndində - 2 ev və həyətyanı sahələrdə 2 partlayış yerinə baxış keçirilib, 5 ədəd partlamış sursatların qəlpələri və qalıqları götürülüb.