Mask öz süni intellekt şirkətinin səhmlərini satır. Maskın “xAI” şirkəti 300 milyon dollarlıq səhm satışı ilə dəyərini 113 milyard dollara yüksəldib.

Satış, “xAI”nin mart ayında “X” sosial media platformasını almasından sonra gələn yüksək qiyməti təsdiqləyir. Birləşmə ilə “xAI” 80 milyard dollar, “X” isə 33 milyard dollar dəyərində qiymətləndirildi.

Birja əməliyyatı böyük bir investisiya raunduna hazırlıq kimi qiymətləndirilir. Şirkət keçən ilin sonunda tamamladığı 5 milyard dollarlıq maliyyələşdirmə ilə dəyərini 45 milyard dollara yüksəltmişdi. “Sequoia Capital” və “Andreessen Horowitz” kimi investorlar da erkən mərhələdə şirkətdə tərəfdaş olmuşdular.

“xAI” və “X”in inteqrasiyası sosial media məlumatları ilə süni intellekt modellərini inkişaf etdirmək məqsədi daşıyır. Maskın fikrincə, bu birləşmə sürətlə dəyişən texnologiya yarışında məhsuldarlığı və rəqabət qabiliyyətini artıracaq.

Mask keçən həftə Doge Nazirliyindən ayrıldığını və indi bütün diqqətini “Tesla”, “X” və “xAI”yə yönəltdiyini açıqladı. "Mən serverlərdə yatmağa qayıtdım", – deyən Mask, onların sıx bir dövrə girdiklərini qeyd etdi.

“xAI” indiyədək “Grok” adlı “chatbot” və “Colossus” superkompüter klasteri ilə diqqət çəkib. “Microsoft Azure”da “xAI” modellərini təklif edəcək, “Telegram” isə “Grok”u platformasına inteqrasiya etməyə hazırlaşır.