Avropa Mərkəzi Bankının (AMB) prezidenti Kristin Laqardın fikrincə, qlobal ticarətdə zorakılığın uzunmüddətli üstünlüyü artıq yoxdur.

Bu gün Pekində Çin Xalq Bankında çıxış edən Laqard, “Məcburi ticarət siyasəti bugünkü ticarət gərginliyi üçün davamlı həll yolu deyil. Proteksionizm disbalansı aradan qaldıracaq fundamental problemləri həll etməkdənsə, qlobal rifahın əsaslarını aşındırır. Hazırda ölkələr qlobal təchizat zəncirləri vasitəsilə dərin inteqrasiya olunsa da, onlar geosiyasi baxımdan keçmişdə olduğu qədər uyğunlaşdırılmayıb”, – deyib.

Məcburi ticarət siyasətinin qisas və qarşılıqlı zərərli nəticələrə gətirib çıxarma ehtimalı daha yüksəkdir”. Bu arada, AMB İdarə Heyətinin üzvü Yannis Sturnaras “Handelsblatt” qəzetinə verdiyi müsahibədə ABŞ-ın gömrük rüsumları ilə bağlı gözlənilməz siyasətinin dolların qlobal ehtiyat valyutası statusunu sarsıtdığını və bunun avro üçün bir fürsət olduğunu deyib.

“ABŞ gömrük rüsumları ilə idxalı kəskin şəkildə azaltmağa çalışaraq qlobal ticarət qaydalarını pozur. Bunun əksinə, Avrozona dövlət və hökumət başçıları sabitliyə, azad bazarlara, demokratiyaya və qanunun aliliyinə sadiqdirlər”, – Sturnaras deyib.

Bu arada Dünya Bankı ticarət gərginliyi və siyasətdəki qeyri-müəyyənliyi əsas gətirərək, 2025-ci il üçün qlobal artım proqnozunu 2.7 faizdən 17 ilin ən aşağı səviyyəsi olan 2.3 faizə endirib və 2020-ci illərin 1960-cı illərdən bəri ən zəif onillik olacağı barədə xəbərdarlıq edib.