ABŞ prezidenti Donald Trampın qlobal ticarətə zərbələri inflyasiya və iqtisadi gözləntiləri zəiflətdiyi üçün Avropa Mərkəzi Bankı (AMB) bir il ərzində səkkizinci dəfə faiz dərəcələrini endirib.

Bank 2026-cı il üçün inflyasiya və artım proqnozlarını aşağıya doğru yenidən nəzərdən keçirib.

Qərardan sonra jurnalistlərə açıqlama verən Kristina Laqard, böyümə risklərinin aşağı tərəfdə olduğunu bildirib.

Gözləntilərə uyğun olaraq, bank depozit dərəcəsini 25 baza bəndi azaldıb 2,25 faizdən 2 faizə, əsas yenidən maliyyələşdirmə dərəcəsini 2,40 faizdən 2,15 faizə, marjinal maliyyələşdirmə dərəcəsini isə 2,65 faizdən 2,40 faizə endirib.

“Bloomberg”in sorğusuna qatılan analitiklər də faiz dərəcələrinin dörddə bir bənd azaldılmasını gözləyirdilər.

Pul siyasəti mətnində deyilirdi ki, “AMB, xüsusən də mövcud müstəsna qeyri-müəyyənlik şəraitində müvafiq monetar siyasət mövqeyini müəyyən etmək üçün məlumatlara əsaslanan və görüş əsasında yanaşma nümayiş etdirəcək. Qərarlar daxil olan iqtisadi və maliyyə məlumatları fonunda inflyasiya görünüşünün qiymətləndirilməsinə əsaslanacaq. İdarə Heyəti müəyyən faiz üçün əvvəlcədən öhdəliyi yoxdur”.

“İnflyasiya ilə bağlı tədbirlərin əksəriyyəti inflyasiyanın 2 faiz ətrafında hədəfdə qərarlaşacağını göstərir”, – bəyanatda deyilir.

***

Bank yeni proqnozlarını da açıqlayıb. 2026-cı il üçün inflyasiya proqnozu 1,6 faizə endirilib, 2027-ci il üçün proqnoz isə dəyişməyərək 2 faiz səviyyəsində qalıb.

2025-ci il üçün artım proqnozu 0,9 faiz səviyyəsində qalıb. 2026-cı il üçün artım proqnozu 1,2 faizdən 1,1 faizə endirilib.

AMB qərarı, Avro bölgəsində inflyasiyanın may ayında bankın 2 faizlik hədəfindən 1,9 faiz aşağı düşməsindən sonra verilib.

***

Lagard bugünkü qərarın “demək olar ki, yekdil” olduğunu və bir şura üzvünün bunu dəstəkləmədiyini deyib.

Laqard, böyümə üçün risklərin aşağı istiqamətdə olduğunu deyib. Laqard, AMB-nin bugünkü faiz endirimindən sonra gələcək qeyri-müəyyənliklərlə üzləşmək üçün yaxşı mövqedə olduğunu təkrarlayıb, lakin bunun bankın faiz endirimlərinə son verdiyi anlamına gəlmədiyini bildirdi.

Laqard, əmək haqqı artımlarının görünən mötədil olduğunu deyib.

Dünya İqtisadi Forumuna rəhbərlik etmək üçün AMB-ni erkən tərk etməyi düşünüb-düşünməyəcəyini soruşduqda, Laqard missiyasını yerinə yetirmək və 2027-ci ilin sonuna qədər rolunu davam etdirmək əzmində olduğunu bildirib.