Türkiyə Daxili İşlər Nazirliyi (DİN) ölkə bayrağının endirilməsi ilə bağlı açıqlama verib. ANS PRESS-in məlumatına görə, Diyarbəkir 2-ci Hava Qüvvələri komandanlığında Türkiyə bayrağının endirilməsi ilə əlaqədar həm DİN və Hava Qüvvələri komandanlığında cinayət işi açılıb, araşdırmalar apaırılır.

Türkiyə DİN-in açıqlamasında bildirilir ki, Hava Qüvvələri komandanlığında təhlükəsizlik xidmətinin iki əməkdaşı isə işdən çıxarılıb.

Xatırladaq ki, Türkiyədə dövlət bayrağının dirəkdən endirilməsi ölkənin hər yanında kəskin reaksiya doğurub. Ölkə prezidenti Abdulah Gül məsələ ilə bağlı açıqlama verərək, bayrağın endirilməsini kəskin şəkildə pisləmişdi.

Türkiyənin baş naziri Rəcəb Tayyib Ərdoğan isə dövlət bayrağının endirilməsinin təxribat olduğunu demişdi: «Bayrağı endirənin uşaq olması bizi maraqlandırmır. Buna səsssiz qalmaq mümkün deyil. Bunun qarşılığı hökmən olacaq».