vaxtlı-vaxtında oxuyun! Çərşənbə, 21 oktyabr 2020
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
MEDİA-QHT  
10:19 | 22 iyul 2020 | Çərşənbə Məqaləyə 727 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Belə də riyakarlıq olar?

Mətbuat günü cəmiyyətdən gələn siqnal

Natiq MƏMMƏDLİ

MÖVZU İLƏ ƏLAQƏLİ

İyulun 22-də az qala bütün təbriklərdə belə cümlə keçir – “Qələminiz iti olsun”. Soruşmaq olarmı jurnalistin qələmini itiləməkdə məqsədiniz nədir, bu dəfə haranı budamaq istəyirsiniz?

Deyirsiniz, “Sözünüz kəsərli olsun”, soruşmaq olarmı axırıncı dəfə qəzetlə nə vaxt ünsiyyətdə olmusunuz? Oxumusunuz yazmıram ha, məhz ünsiyyətdə olmusunuz?

Zərdabinin varisləriyik – yəni doğurdan hesab edirsiniz ki, bu boyda maklatura Zərdabinin varisi ola bilər?

Bilirsiniz Azərbaycanın ilk qəzetləri necə çıxıb? Milli burjuaziyanın bəzi nümayəndələri - Tağıyev, Muxtarov, Əsədullayevin dəstəyi ilə. Məzmunu və maliyyə qaynağına görə onun adına milli mətbuat deyiblər. Mətbuata dəstək olan milli burjuaziya yoxdursa, Zərdabinin varisi necə ola bilərik?

Deyirsiniz jurnalistlər ev davası edir. Bilirsiniz niyə?

Kabinetlərindən çamadanla pul çıxan rüşvətxor icra başçılarının qabağında jurnalistləri boynubükük bənövşə kimi düzürdülər. Bir vaxtlar... Guya dəyirmi masadır. Hamın gözü qabağında media “kapitanları” (bu ifadədən necə zəhləm gedir) reket mətbuatdan danışıb öz peşələrini aşağılayırdılar. Bilirsiniz niyə?

Elə bilirsiniz indi Zərdabilər yoxdur? Var, amma indi onların başından basırlar, küncə sıxışdırırlar. İndi Zərdabilər “Facebook”da status yazıb gələn “like”ları ilə təsəlli tapırlar. Bilirsiniz niyə?

Çünki sən cəmiyyət öz qəzetinə yiyə durmamısan!!! Heç “Əkinçi”yə də yiyə durmamısan, kişinin qəzeti pulsuzluqdan bağlanıb, o biri səbəblər bekara şeydir. Maarifçilər səni qandırmaq istədi, qanmadın, çünki avam idi, indi özünü qanmazlığa qoymusan.

Bizə deyirsən qələmini itilə, amma öz aranızda “WhatsApp” qruplarında kimlərin statuslarını paylaşıb altından “ə, nətəəər dedi ə” yazan sən deyilsənmi? Belə də riyakarlıq olar?

Mətbuat cəmiyyətdən gələn impulsları hiss etməlidir. Bu yalnız “Facebook”dakı “like”lar deyil.

Bəs nə arzu edirəm? Arzu edirəm ki, ömür vəfa eləsin həmin o “dənə”lərin “nəfər”ə çevrildiyin görə bilim. Arzu edirəm ki, Zərdabinin arzuladığı səviyyədə cəmiyyətin güzgüsü olan qəzeti görə bilim. Arzu edirəm ki, Zərdabinin arzuladığı qəzetdə Şuşadan reportajlar oxuyum, Cıdır düzündən foto-sessiyalara baxım!


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *