vaxtlı-vaxtında oxuyun! Şənbə, 2 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
TƏBİƏT, İQLİM, FƏLAKƏT  
11:28 | 14 fevral 2022 | Bazar ertəsi Məqaləyə 1234 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Gürcüstanda güclü zəlzələ

Təkanların episentri Ermənistanla sərhəddə olub

MÖVZU İLƏ ƏLAQƏLİ

“Ötən gün axşam saatlarında Gürcüstan ərazisində baş verən zəlzələ güclü zəlzələdir. Bu ölkənin dağlarında baş verən zəlzələ çox böyük ərazini əhatə edir. Bu cür güclü və 10 km dərinliyində olan zəlzələnin təbii ki, yaxın ərazilərdə də hiss olunması qaçılmazdır”.

Bunu Azərbaycan Milli Elmlər Akademiyasının (AMEA) nəzdində Respublika Seysmoloji Xidmət Mərkəzinin (RSXM) baş direktoru Qurban Yetirmişli deyib.

Onun sözlərinə görə, yeraltı təkan bu ölkənin dağlıq Cavaxeti bölgəsində, Ermənistanla sərhəd ərazidə baş verib.

Baş direktor bildirib ki, bu da RSXM-nin Qazax stansiyasına yaxın olduğu üçün (103 km məsafədə) Azərbaycanın qərb rayonlarında da hiss olunub:

“Bir neçə aydır ki, orada xırda təkanlar qeydə alınmaqdadır və proses davam edirdi. Bu təkanlar hazırda da davam edir, afterşoklar gedir. Bu cür güclü və 10 km dərinliyində olan zəlzələnin təbii ki, yaxın ərazilərdə də hiss olunması qaçılmazdır”.

Zəlzələnin qonşu ölkədə çox böyük ərazini əhatə etdiyini vurğulayan Q.Yetirmişli deyib ki, hətta Tbilisi, Batumi və digər yaşayış məntəqələrində də yeraltı təkan hiss olunub.

O qeyd edib ki, Gürcüstanın demək olar ki, cənub-qərb hissəsində olan yaşayış məntəqələrində yeraltı təkan hiss olunub.

Baş direktor vurğulayıb ki, zəlzələ Azərbaycanın sərhəd rayonları olan Qazax, Ağstafa, Gəncə, Gədəbəy və digər ərazilərdə 3-4 bal gücündə hiss edilib. Onun sözlərinə görə, zəlzələ güclü olduğundan dalğası da yayılır:

“Dalğa sönənə qədər də bunun hiss olunması normaldır. Məsafənin yaxınlığına uyğun olaraq zəlzələnin Azərbaycanın sərhəd zonasında hiss olunması qaçılmaz idi, amma təbii ki, bu, bizim ölkə üçün fəsad törədəcək qədər güclü deyil. Təşvişə də ehtiyac yoxdur”.