22:53 | 28 mart 2022 | Bazar ertəsi
Məqaləyə 555 dəfə baxılıb
Şriftin ölçüsü
Gəlirlər...
Rusiya Dövlət Dumasına bir qanun layihəsi sözardı
İbrahim NƏBİOĞLU
MÖVZU İLƏ ƏLAQƏLİ
-
Putinin “inanclı atəşkəsi”
Aysberqin görünməyən tərəfi
-
Bir milad yazışması
Ukrayna xalqı ən müqəddəs bayramını ruslarla bir gündə qeyd etmək istəmir
-
Azərbaycanlı “Qurd”
VIP mühafizəçidən “Dəniz piyadası”na qədər
-
Dehli Kremldən narazıdır
Modi Putinlə görüşünü niyə təxirə salıb?
-
Putin tələb etdi, Lukaşenko seçim
Minsk müharibəyə qoşulacaqmı?
-
Lukaşenko zəmanət vermir
Rusiya-Belarus danışıqlarının gizlinləri
-
“Ermənistan mövcud olmayacaq”
“Qoruyucu mələklər”i bədxah qonşularımızdan üz çevirməyə başlayır
-
Rusları və Rusiyanı tanımaq
Qurbanlar öz cəlladları ilə əlbir olurlar
-
Ukraynaya “ağıllı bombalar”
Müharibənin taleyini həll edəcək ikinci həmlə
-
Qan donduran “zarafat”
Duma deputatının dediklərinə görə hətta ruslar da utandılar
-
Belarus müharibəyə qoşulur?
“Qırmızı kvadrat”la işarələnmiş zirehlilərin görüntüləri yayılıb
-
“Yeni nüvə təhlükəsi”
Putin “Patriot” raketləri xəbərlərinə YARS-la cavab verib
-
Jurnalist qətlləri çoxalıb
Keçən illə müqayisədə 45 faiz artım var
-
Kadırov ABŞ-ın radarında
“The New York Times” Çeçenistan liderinin idmançılarla əlaqələrini araşdırır
-
Ukraynaya Patriot göndərilir
Qərar ABŞ müdafiə naziri və prezidentinin təsdiqlərini gözləyir
-
“Əl atılacaq son çarədir”
Putin artıq Ukraynadan çıxmağı müzakirə edir
Dəhşətin ayaq səslərini eşidirdim.
Buna gedəcəklərini bilirdim.
Hiss edirdim ki, xain bir plan hazırlayırlar.
2000-ci ilin başından.
Ona görə idi 20 ildir yazdıqlarım,
həyəcan təbili çalmaqlarım,
bəzən də yalvarmalarım.
Ona görə “Balalarını rusca oxudanlar, çox peşman olacaqsınız” yazmışdım 22 sentyabr 2021-də..
Bu gün günorta oxudum.
TASS-ın xəbəri idi.
Bir də təkrar oxudum.
“Cоотечественник”…
Donub qaldım…
“Cоотечественник”
yəni “Həmvətənli”,
yəni “Həmyerli”,
yəni “Vətəndaş”…
***
Rusiya Dövlət Dumasına alçaqca bir qanun layihəsi təqdim edilib.
Qəbul edilən kimi rus dilini bilənlər milliyətindən asılı olmayaraq “Cоотечественник” sayılacaqlar.
Yəni rus dilini bilən bir azərbaycanlı (və ya gürcü, latış, moldovan, özbək və s.) rusların “Cоотечественник”i, yəni həmvətənlisi, həmyerlisi, vətəndaşı sayılacaq.
Yəni sabah, məs., Əli, Vəli, Pirvəli Kremlə yazsalar ki, burada, məs., Yasamalda bizə rusdilli olduğumuz üçün təzyiq göstərirlər Moskva yardıma gələcək.
Əvvəlcə keçən dəfəki kimi Xəzərdən bir raket atacaq.
Sonra Ordunu ayağa qaldıracaq.
Və düz də edəcəklər.
“Qardaş qardaşa” nə gündə lazımdır bəs?
Axı həmvətənlinin dadına çatmaq bir borcdur.
Çox humanistdirlər…
***
Dumanın MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Konstantin Zatulin (“Единая Россия” fraksiyası) rus dilini bilənlərin hamısının həmvətən kimi tanınmasını təklif edən qanun layihəsini palataya təqdim edib.
TASS xəbərindən bəzi “incilər”:
1. “…qanun layihəsi əsas “vətəndaş” anlayışının əsassız geniş şərhi ilə bağlı çatışmazlıqları aradan qaldırır. Xüsusilə də “rus dilini <...> bilən şəxslərin (dədə-babaları Rusiya Federasiyasında doğulmuş və Rusiya Federasiyasında yaşamış olanlar) Rusiya ərazisində yaşayan həmvətənlər kimi tanınması təklif edilir;
2. “Bununla bərabər nəzərə alınır ki, SSRİ-nin dağılmasından ötən 30 il ərzində SSRİ vətəndaşlığı olmayan yeni nəsil soydaşlarımız yetişib. Bu baxımdan “həmvətən”lə “SSRİ vətəndaşlığı” arasındakı bağ da ortadan qaldırılır”.
Sonuncu “inci” xüsusilə maraqlıdır.
Belə ki, əgər Əli, Vəli, Pirvəli müstəqillik dövründə doğulsalar, SSRİ vətəndaşlıqları olmasa belə “Həmvətən” sayılacaqlar. Çünki…
Çünki rusca bilirlər, rusdillidirlər, Dostoyevskini orijinalda oxuyurlar.
Görürsüzmü necə də məntiqli qanundur.
Məntiqli olması isə vacibdir.
Axı Ordunu yeridəndə gərək hər şey qanunauyğun olsun.
Hə, necəsiz ay Əli, Vəli və Pirvəlinin rus dilini bilməyən valideynləri?
“Cоотечественник”lər doğub böyütdüyünüz üçün sizi təbrik edirəm…
