vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Vətənpərvərlik insanın daxilindəki duyğulardır. Əgər bunlar yoxdrusa, o insan mənəviyyatsızdır»

Heydər Əliyev (1923 - 2003)
SAHİBKARLIQ  
15:52 | 17 may 2022 | Çərşənbə axşamı Məqaləyə 915 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

SİMA nə vaxt populyar olacaq?

“ASAN imza”nın inhisarçılığının qarşısı alınır

Osman GÜNDÜZ

MÖVZU İLƏ ƏLAQƏLİ

SİMA yeni rəqəmsal imzanın inteqrasiyası sürətlənib. Artıq “ASAN Login” sisteminə də qoşulub. Çox uğurlu bir addımdır. Düşünmək olar ki, qısa zamanda Rəqəmsal İnkişaf və Nəqliyyat Nazirliyi (RİNN) və ASAN birgə xeyli işlər görüblər inteqrasiya üçün.

SİMA-nın ASAN-a inteqrasiyası o deməkdir ki, artıq müxtəlif dövlət sistemlərinə, 80-dən çox dövlət portallarına girişlə bağlı vətəndaşlar daha asan və sadə bir identifikasiya alətinə malik olub.

Yəni, bu məsələdə, sadəcə portallara giriş məsələsində ASAN-a dəxli olmayan “ASAN imza”nın inhisarçılığının qarşısı alınıb.

Lakin hələlik bu o demək deyil ki, vətəndaş bütün dövlət xidmətlərini SİMA ilə əldə edə biləcək, sənədlərini SİMA ilə imzalayacaq.

Ciddi problemlər qalır.

Xidmətlərin özünün SİMA-ya inteqrasiyası hələ yeni başlayıb. Düşünürəm ki, vətəndaşlar yalnız bundan sonra SİMA-nın üstünlüyünü, real faydasını görə biləcəklər.

Məsələn, hələlik kifayət qədər populyar olan, ciddi ictimai-sosial əhəmiyyət kəsb edən xidmətlər,  vergi xidmətləri, notarial xidmətlər, MİDA xidmətləri, əmlak xidmətləri SİMA-ya inteqrasiya olunmayıb. Vətəndaşın təqdim etdiyi sənədlərin isə SİMA ilə imzalanması üçün mütləqdir ki inteqrasiya olunsun.

Düşünürəm ki, bu xidmətlərin, xüsusilə də vergi xidmətlərinin daha tez bir zamanda SİMA-ya inteqrasiyasına ehtiyac var.

Məhz bu sahədə mobil imza olan ASAN imzanın inhisarçılığı ən yüksək həddədir.

Bildiyim qədər RİNN və AzİnTelecom hazırda əlaqədar qurumlarla birgə SİMA-nın dövlət xidmətlərinə inteqrasiyası istiqamətdə çalışırlar.

Elə bu gün keçirilən “Korrupsiyanın qarşısının alınmasında texnologiyaların rolu” mövzusunda ictimai dinləmələrdə bu haqda da müzakirə aparılıb.

SİMA-nın əsas üstünlüyü odur ki, mobil nömrəyə bağlı deyil, vətəndaş heç yerə getmədən, vaxt itkisinə yol vermədən, eləcə də imza üçün vəsait sərf etmədən rəqəmsal bir identifikasiya vasitəsi, sənədləri imzalama vasitəsi əldə etmiş olur.

SİMA mobil tətbiqlərini yükləyib heç bir ödəniş etmədən, qısa bir anda, biometrik (üztanıma) texnologiyası ilə qeydiyyatdan keçib bu rəqəmsal imzanı əldə etmək mümkündür.

Ümid edirəm, qısa zamanda SİMA-nın  populyar və ictimai əhəmiyyət kəsb edən dövlət xidmətlərinə inteqrasiyası başa çatacaq.