Ərdoğan və Paşinyanın tarixi sıçrayışı
Vaşinqton məmnundur, İsrail yolu açır
Azər NURİYEV
MÖVZU İLƏ ƏLAQƏLİ
-
“S-400”ə qarşı “Brahmos”
Yunanlar tüfəngin qarşısını sapandla almaq istəyir
-
... Avropanın ilk beşliyində
Milyarderlər məskəni, sevimli-əziz şəhər ...
-
Üç Türk lider bölgənin iqtisadi xəritəsini dəyişir
ABŞ-ın narazı qaldığı məqam
-
Dövlət Departamentindən “F-16” izahı
“Heç bir müttəfiqimiz Türkiyə qədər öz torpaqlarında terrora məruz qalmır”
-
“F-16”lar üçün yaşıl işıq
Yunan və erməni lobbisinin əziyyətləri özlərinə qaldı
-
Ən azı 20 tanker gözləyir
Gəmilər Türkiyənin ərazi sularında tıxac yaradıb
-
Qardaş yumruğu və mollaların bədbəxtliyi...
Ayətullahlar sovetin qoca Politbüro üzvləri kimi eyni durum, eyni “ssenari” ilə üzləşib
-
Tehran “F-16”ları gördü
Qırıcılarının təlimlərə cəlb edilməsi Əliyevin toxunduğu məqamı aktuallaşdırdı
-
“Dostlara güc, düşmənə qorxu”
Hərbi təlimlər Güney azərbaycanlıları öz haqları uğrunda mübarizəyə həvəsləndirir
-
“Bir gecə, qəfildən ...”
Xarici işlər naziri Çavuşoğludan Yunanıstana sərt reaksiya: “Geri addım atmasa, lazım olanı edəcəyik”
-
524 gəmi, 13 milyon ton taxıl
Almaniyanın məşhur qəzeti Ərdoğanı göylərə qaldırdı ...
-
“Hara getsək arxamızca qaçır”
“Çavuşoğlu Dendiası ələ saldı” başlığını manşet edən yunan mətbuatı Akarın Bakı səfərindən də yazıb
-
“Özünü qorumaq haqqı var”
İsveç baş nazirinin keçmiş millət vəkilinə Türkiyə cavabı
-
Almaniyanı xilas edən türk həkimlər
Ölkə onların hesabına ildə 4 milyard avroya qənaət edir
-
Ver “S-400”ü, al “F-35”i
ABŞ Türkiyəyə yeni şərt
-
İşbirliyi bitdi
Suriyadakı terrorçular ABŞ-la əməkdaşlığı dayandırıb
Təxminən 20 gün əvvəl Türkiyə ilə Ermənistan arasında sərhəd zonasının minalardan təmizlənməsinə başlanılıb. Türkiyə mənbələrinin məlumatına görə, minalardan təmizləmə işi İsrail şirkəti tərəfindən həyata keçirilir və hazırda Türkiyəni Ermənistanla birləşdirən dəmir yolunun keçdiyi Doğukapı sərhəd-keçid məntəqəsinin yaxınlığında, Qars vilayətinin Akyaka rayonunun İbiş kəndi ətrafında işlər aparılır.
Türkiyənin Ermənistanla həmsərhəd rayonlarının minalardan təmizlənməsi ilə bağlı yayılan xəbərə rəsmi mənbələr hələlik münasibət bildirməyib.
Qars sakinləri minaların təmizlənməsinin Doğukapı keçid məntəqəsinin açılmasına ümidlər artırdığını iddia edirlər. Türkiyə ilə Ermənistan arasında yol əlaqəsi Iğdır vilayətindəki Əlican sərhəd-keçid məntəqəsi vasitəsilə həyata keçirilib. Bu sərhəd keçidi Doğukapı kimi 1993-cü ilin aprelindən bağlıdır. Türkiyə ilə Ermənistan arasında münasibətlərin normallaşması ilə bağlı danışıqların başlaması sərhədlərin açılmasına ümidlər yaradıb. Türkiyənin Ermənistanla həmsərhəd əyalətlərinin sakinləri bununla bağlı yeni ticarət imkanları gözləyirlər.
Türkiyə ilə Ermənistan arasında dəmir yolu və avtomobil yollarının çoxsəviyyəli Zəngəzur dəhlizinin bir hissəsi olacağı gözlənilir. Türkiyə mətbuatı yazır ki, Ankara İrəvanla münasibətlərin normallaşdırılmasına dair danışıqlar zamanı Zəngəzur dəhlizinin tezliklə açılması şərtini irəli sürür.
Bundan əvvəl Türkiyə rəsmiləri dəfələrlə bəyan ediblər ki, Azərbaycanla məsləhətləşmələr çərçivəsində Ermənistanla münasibətlərin normallaşdırılması prosesi davam edir, Bakı ilə razılaşmadan heç bir addım atılmır.
Xatırladaq ki, iyulun 1-də Ermənistan və Türkiyənin xüsusi nümayəndələri arasında danışıqların növbəti raundu olub və tərəflər üçüncü ölkə vətəndaşları üçün sərhədlərin açılması barədə razılığa gəliblər. Bunun ardınca Türkiyə prezidenti Rəcəb Tayyib Ərdoğanla Ermənistanın baş naziri Nikol Paşinyan arasında ilk telefon danışığı olub. İki ölkənin hökumət hesabatlarında Ərdoğan və Paşinyanın bir-birini dini bayramlar münasibətilə təbrik etdiyi və münasibətlərin normallaşması üçün tədbirlərin görülməsinin vacibliyini vurğuladığı telefon danışığının kim tərəfindən aparıldığı barədə məlumat açıqlanmır.
ABŞ Dövlət Departamenti Ərdoğanla Paşinyan arasında aparılan danışıqlarla bağlı məlumatlara operativ reaksiya verib. Vaşinqtonun bəyanatında Türkiyə ilə Ermənistan arasında münasibətlərin normallaşması prosesinə güclü dəstək qeyd olunur.
ABŞ Dövlət Departamentinin bəyanatında deyilir: “Birləşmiş Ştatlar Ermənistan-Türkiyə münasibətlərinin nizamlanmasına qətiyyətlə kömək edir və bu, bütün regiona müsbət təsir edəcək”.
“Ermənistan-Türkiyə dialoqu regional sabitliyi gücləndirmək, mənfi təsirləri ehtiva etmək və daha böyük iqtisadi inkişafa gətirib çıxarmaq potensialına malikdir ki, bu da hamının xeyrinədir”, – həmin bəyanatda qeyd olunur.
Həmçinin qeyd edilir ki, “Birləşmiş Ştatlar bu mühüm dialoqu hər iki tərəfin məqsədəuyğun hesab etdiyi şəkildə asanlaşdırmağa hazırdır”. (Milli.Az)