vaxtlı-vaxtında oxuyun! Şənbə, 20 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Nəriman Nərimanov (1870 - 1925)

«Siz ata-babalarınızın müqəddəs yerlərinə o vaxt VƏTƏN deyə bilərsiniz ki, onun sahibi olasınız»

Nəriman Nərimanov (1870 - 1925)
ƏDƏBİYYAT  
22:15 | 17 iyul 2022 | Bazar Məqaləyə 1544 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

SOLAXAY...

... Yaxud hoppanan birəyə nal vuran usta

İbrahim NƏBİOĞLU

MÖVZU İLƏ ƏLAQƏLİ

İmperator Aleksandr Pavloviçə İngiltərə səfərində mexaniki birə göstərirlər. Birə hoppanır və rəqs edə bilir. Rus imperatoru çox pul ödəyib birəni alır. Rusiyaya dönüşdə I Aleksandr ölür. Taxta onun qardaşı I Nikolay çıxır. Birə ona qalır. İmperatoru inandırırlar ki, rus ustalar daha yaxşısını düzəldə bilər.

Tula şəhərinin ustalarına xəbər göndərilir ki, nəyə qadir olduqlarını göstərsinlər ingilislərə. Levşa (Solaxay) adlı bir usta ingilislərin mexaniki birəsinə nal vurur. Birə hoppanma qabiliyyətini itirir. Buna baxmayaraq I Nikolay mikroskopla görünən nallara heyran qalır. Levşanı nallanmış birə ilə İngiltərəyə göndərir ki, qoy ingilislər rus ustaların onlardan daha məharətli olduqlarını görsünlər.

Nalları ingilis ustalar də bəyənir. Levşaya İngiltərədə qalıb çalışmaq təklif edirlər. Levşa məmləkəti üçün darıxdığını deyib ölkəsinə qayıtmaq istəyir. Levşa qayıdanbaş gəminin kapitanı ilə kim daha çox araq içər deyə bəhsə girir. O qədər içirlər ki, ikisi də komaya girirlər. Rusiyaya çatanda kapitanı ingilis səfirliyində müalicəyə başlayırlar. Levşanı sənədləri olmadığı üçün kimsəsizlər üçün xəstəxanaya yerləşdirirlər.

Ölüm yatağında Levşa İmperatora ismarıc göndərir: “Rus əsgərləri tüfənglərinin lüləyini kərpiclə təmizləməsinlər, ingilis ordusu bu səbəbdən güclüdür”.

Onun sözlərini I Nikolaya çatdırmırlar. 

Levşa ölür.

Bir müddət sonra Rusiya Krım müharibəsini uduzur. Tüfəngin lüləyini kərpiclə təmizlədiyi üçün…

***

Bəli, görkəmli rus yazıçısı Nikolay Leskovun (1831-1895) məşhur “Levşa” povestinin qısa məzmunu belədir. Bu sabahkı idmanda “Hoppanan, amma nal vurulandan sonra o qabiliyyətini itirmiş birə” düşdü yadımda…

Putin Dmitriy Roqozini “Roskosmos”dan uzaqlaşdırdı…

“HİMERS”lər gəldi gözümün önünə. Gəldikləri bir həftə ərzində müharibədə Ukrayna ordusuna necə böyük üstünlük gətirdiyini görürük…

Birəyə nal vuran Levşanı tanıtdırın uşaqlarınıza. 

Yoxsa yalandan Tolstoyevski deməklə olmur bu işlər…


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)