ABŞ-nin “Wall Street Journal” (WSJ) qəzeti yaxşı bir tətil üçün sosioloji araşdırmalarla dəstəklənən məsləhətləri paylaşdı. Xoşbəxtliyin qavranılması və qida vərdişləri ilə bağlı araşdırma aparan ABŞ-ın Karnegi Mellon Universitetindən Ceff Qalakın məqaləsində uğurlu tətil üçün tövsiyələr yer alıb.

Yanaşmanızı dəyişdirin

Qalak, nə qədər çox qidalansanız, ondan bir o qədər çox bezəcəyinizə diqqət çəkərək, istirahət edənlərin də bunu nəzərə alaraq fəaliyyətlərini planlaşdırmalarının lazım olduğunu qeyd etdi.

Akademik 2009, 2011 və 2012-ci illərdə apardığı araşdırmalara əsaslanaraq təklif edib ki, istirahət edənlərin tətildən bezməmək üçün hər hansı şeydən zövq alsalar belə, bunu təkrar etməmələrini məsləhət bilib.

Qalak, hər bir fəaliyyət üçün ayrı bir gün ayırmaq əvəzinə, günün fərqli saatlarını müxtəlif fəaliyyətlərlə məşğul olmağın daha faydalı olacağını bildirib: “Çeşidliliyi nə qədər artırsanız, aldığınız ləzzətdən bir o qədər az bezəcəksiniz”.

Məqalədə müxtəlif fəaliyyətlər arasında istirahət vaxtının verilməsinin əqli və fiziki sağlamlıq üçün vacib olduğu da vurğulanıb.

Seçimlər arasında itməyin

Tətil zamanı çoxlu yaşayış, tur paketləri, restoran və gəzməli yerlər variantlarının olduğunu yazan Qalak, bütün bunları əhatəli bir şəkildə müqayisə edərək plan hazırlamaqda hövsələsizlik yarana biləcəyini bildirib.

Akademik qeyd edib ki, hər bir variantı dəyərləndirmək və ən yaxşısını etməyə çalışarkən gözlənilməz vəziyyətlərdə tez təəssüflənə bilərsiniz.

İstirahət edənlərə “seçimin həddən artıq yüklənməsindən” qaçmaq və bəzən çox dərin araşdırmalar aparmadan öz planlarını tamamlamağı tövsiyə edilib.

Rahatlıq zonanızdan çıxın

Qalak qeyd edib ki, tətil zamanı yalnız müsbət təcrübələr yaşamağa və yaxşı xatirələr toplamağa çalışmaq, bir nöqtədən sonra səyahət planlarını konkret hala gətirə bilər.

Akademik “Taksi əvəzinə ictimai nəqliyyata minin. Ən yaxşı oteldə qalmaqdansa, daha ucuz yer seçin. Telefonunuzu oteldə qoyub ətraf aləmdə “yox olun””, – deyib.

Qalak yazıb ki, burada əsas məqsəd tanış və rahat təcrübələrdən uzaqlaşmaq və bayram əhvalını fərqli etmək üçün bəzi çətinlik və mənfiliklər əlavə etməkdir.

Tətillərə ümumi yanaşmalara qarşı çıxan tədqiqatçı tövsiyələrini belə yekunlaşdırıb: “Özünüzü daha çox planla yormayın, sevdiyiniz şeylərdən az məşğul olun, əylənməyə ara verin. Əslində sizi narahat edəcək işlərə yönəlin. Ediləcək ən ağıllı variant əvəzinə, tam əksini edin”.