vaxtlı-vaxtında oxuyun! Bazar, 3 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Nəriman Nərimanov (1870 - 1925)

«Siz ata-babalarınızın müqəddəs yerlərinə o vaxt VƏTƏN deyə bilərsiniz ki, onun sahibi olasınız»

Nəriman Nərimanov (1870 - 1925)
ƏDƏBİYYAT  
17:29 | 18 iyun 2014 | Çərşənbə Məqaləyə 3158 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

27 ilin sədri danışdı

Anar yeni sədrliyinin ilk müsahibəsində söz-söhbətə son qoydu

MÖVZU İLƏ ƏLAQƏLİ

İyunun 17-də 12-ci qurultayını keçirən Azərbaycan Yazıçılar Birliyi (AYB) bu gün Muğam Mərkəzində 80 illik yubileyini qeyd edib. Azərbaycan Yazıçılar Birliyinə yenidən sədr seçilən Anar bu gün ANS-ə eksklüziv açıqlama edib. 27 ildir ki, Yazıçılar Birliyinin sədri vəzifəsini daşıyan Anar yenidən sədr seçilməsini ona olan etimadın nəticəsi kimi qiymətləndirib.


Muğam Mərkəzinin möhtəşəm divarları bu gün də Yazıçılar Birliyinin 80 ililk yubileyinə şahidlik etdi. Bu gün də əsas qəhrəman rolunda yazıçı Anar idi. 27 il rəhbərlik etdiyi quruma yenidən sədr seçilməsi onu diqqət mərkəzində saxlamışdı. Hərə bir xüsusda, kimi şəkil çəkdirmək, kimi hal-kef etmək üçün ona yaxınlaşırdı. Biz isə yazıçıya təkcə təbrik üçün yox, həm də sual vermək üçün yaxınlaşdıq. Qurultayda Anara alternativin olmaması Azərbaycanda Anar gücündə yazıçının olmaması deməkdirmi?

Yazıçılar Bİrliyinin sədri Anar bildirdi ki, yox, bu belə deyil, Anar səviyyəsində yazıçılar var: «Eyni zamanda Anardan da yüksək yazıçılar var. İndi elə gətirib ki, 27 ildir bu vəzifədə işləyirəm. Azərbaycanda qəribə bir şey var. Demək bəzən insanı günahlandırırlar ki, niyə sənin yaşın çoxdu, niyə hələ ölməmisən - sağsan. İkinci də günahlandırırlar ki, uzun illər yaxşı işləmisən, bəsdir niyə? Əgər yaxşı işləmişəmsə, 4 qurultayda məni yekdilliklə seçiblərsə, deməli yazıçılar mənim işimdən narazı deyillər».

Yazıçılar da narazı görünmürdülər. Məsələn, Seyran Səxavətə görə, əvəzolunmaz şəxs olmasa da, Anar bu postda həqiqətən əvəzolunmazdır.

Şair Zəlimxan Yaqub da bu seçimi təqdir edir. Amma gəncliyi də unutmamağa çağırır.

Bəli, ədəbi gəncliyə qayğı elə ədəbiyyata qayğı deməkdir. Bu qayğını zamanında Anara da, o birilərinə də göstəriblər. Onlar da ədəbiyyatımızın üzünü qara etməyiblər. Ona görə də təkcə sağ olun, deməyək. Hələ uzun illər yaşayın və yaradın, deyək.