vaxtlı-vaxtında oxuyun! Bazar ertəsi, 27 sentyabr 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
MEDİA-QHT  
15:36 | 5 sentyabr 2014 | Cümə Məqaləyə 5240 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bəzi xəbər saytları bağlana bilər

Dezinformasiya yayanlar kimə xidmət edir?

Namidə BİNGÖL

MÖVZU İLƏ ƏLAQƏLİ

Bu ilin avqust ayının ilk ongünlüyündə, qoşunların təmas xəttində atəşkəs ciddi şəkildə pozuldu. Azərbaycan və Ermənistan tərəfi xeyli itkilər verdi. Atəşkəs xəttində baş verən insident Azərbaycan mediasında fərqli formada işıqlandırıldı.

Cəbhə bölgəsindən yayılan dezinformsiyalar arxa cəbhədə təlaş yaratmaqla yanaşı, sanki ordunun müdafiə gücünə ağır zərbə vurmağa da hesablanmışdı.

Xüsusilə, müharibə qoxusunun hiss olunduğu cəbhəyanı bölgələrdə yaşayan insanların psixoloji məqamlarını diqqətdən qaçıran Azərbaycan mətbuatı, «dərin» düşünməyi bacardı. Afərin!

Bu təlaş yaradan informasiyaların bilərəkdən, yaxud da bilməyərəkdən sosial şəbəkələrdə, informasiya resurslarında gen-bol işıqlandırılmasına «dur!» deyən olmadı.

Bir sözlə, ümumilikdə Azərbaycan mətbuatı bu məsələdən üzüağ çıxa bilmədi. Bu ləkə ümumi medianın adına yazıldı.

Düşmən kəşfiyyatının bazasını genişləndirən «mətbuatımız», Azərbaycanın müharibə şəraitində yaşadığını, torpaqlarımızın 20 faizinin işğal altında olduğunu unutdu.

Azərbaycan ordusunun zirehli texnikaları, səngərlərə gedilən gizli yollar çılpaqlığı ilə nümayiş olundu.

Maraqlı tərəflərdən də biri odur ki, «cəbhə xəbərləri» tirajlayan bəzi media qurumları Ermənistan kəşfiyyat orqanlarını əməlli məlumatlandırdı.

Prezident Administrasiyasının rəhbəri Ramiz Mehdiyev cəbhədə sakitlik bərqərar olduqdan sonra mətbuat nümayəndələri ilə geniş toplantı keçirdi.

Toplantıda Azərbaycan mətbuatının biabırçı vəziyyəti tənqid olundu. Vurğulandı ki, bəzi internet xəbər saytlarının bir-birinin bəhsinə dayanaraq, informasiyanın (fərqi yoxdur, dəqiqdir, yoxsa dezinformasiya) birinci çatdırılması yönündə hərəkətləri acı məqamlar nümayiş etdirdi.

Təcrübə göstərir ki, dünyanın hər hansı ölkəsində fəaliyyət göstərən media quruluşları həmin ölkənin milli maraqlarına, təhlükəsizliyinə qarşı iş aparırsa, o, ciddi şəkildə cəzalandırılır.

Eyni hal Azərbaycanda da yaşana bilərmi?

Modern.az saytına daxil olan məlumata görə Azərbaycanın milli təhlükəsizlik məsələsində qanunları pozan media qurumlarının cəzalandırılacağı gözlənilir.

Hətta veriləcək cəza çərçivəsində bir neçə saytın bağlanacağının da qaçılmaz olduğu bildirilir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.