Egey bölgəsində küləkli hava şəraiti və buludlar hava nəqliyyatına mənfi təsir göstərib. Əlverişsiz hava şəraiti səbəbindən Bodrum Milas hava limanına enə bilməyən “Pegasus” Hava Yollarına məxsus “Sabiha Gökçen-Bodrum” təyyarəsi Dalaman Hava Limanına istiqamətləndirilib.

Heç bir problem olmadan hava limanına eniş edən və Bodrumda hava şəraitinin yaxşılaşmasını gözləyən təyyarə bir müddət sonra Bodrum uçuşunu tamamlamaq üçün Dalaman Hava Limanından havaya qalxıb. Bu dəfə təyyarəni ildırım vurub.

Təyyarə heç bir problem olmadan Bodrum hava limanına enişini tamamlayıb.

Texniki qrup ildırım vuran təyyarəyə baxış keçirərkən heç bir xoşagəlməz hal aşkar edilməyib.