Bu gün Topaz Premyer Liqasında mövsümün ikinci yarısına start veriləcək. Apasport.az saytının məlumatına görə, qış fasiləsindən sonra yenidən başlayacaq birinciliyin ikinci dövrəsinin ilk turunun oyunları iki gün ərzində baş tutacaq.

XIX turun ilk oyun günündə azarkeşlər iki matç izləyə biləcəklər. Açılış matçında turnir cədvəlinin ilk yarısında qərarlaşan «Kəpəz»lə «Qəbələ» üz-üzə gələcək. Qarşılaşma Gəncədə keçiriləcək. «Qəbələ» səfərdə qalib gələcəyi halda, ən az bir günlük ikinciyi pilləyə yüksələcək. Meydan sahibləri isə 3 xal qazanacağı halda turnir cədvəlində rəqibini arxada qoymaq şansı əldə edəcək. Roman Qriqorçukun komandası oyuna tam heyətlə hazırlaşıb. Gəncəlilər isə cəzlı Tural Nərimanovsuz oynamalı olacaqlar.

Günün ikinci matçı isə paytaxtda baş tutacaq. «Neftçi» «Sumqayıt»ı qonaq edəcək. Əsgər Abdullayevin yetirmələri bu oyunda Erik Ramos, Kaue və Ayltonsuz mübarizə aparmalı olacaqlar. Hər üçü oyunçu cəza səbəbindən komandalarına kömək edə bilməyəcəklər. «Sumqayıt» da bu matça itki ilə çıxacaq, belə ki, Emin Mehdiyev də rəqib həmkarları kimi görüşü cəza səbəbindən kənardan izləməli olacaq. Əgər «ağ-qaralar» bu oyunda 3 xal qazansalar, «Kəpəz»in mümkün xal itkisindən sonra bir pillə irəliləyəcək. «Sumqayıt» isə yenilənmiş heyəti ilə paytaxtdan yaxşı nəticə ilə qayıdıb, AZAL-a bir az da yaxınlaşmaq istəyir.

14:00. «Kəpəz» – «Qəbələ»

Hakimlər: Fariz Yusifov, Vaqif Musayev, Nahid Əliyev, Ziya Nəsirov

Mövsümün ilk yarısındakı oyunlar: 0:1, 2:1

Gəncə şəhər stadionu

16:30. «Neftçi» – «Sumqayıt»

Hakimlər: Əliyar Ağayev, Zeynal Zeynalov, Rza Məmmədov, Ramil Diniyev

Mövsümün ilk yarısındakı oyunlar: 2:1, 2:1

8-ci km qəsəbə stadionu

Turnir cədvəli

* - «Rəvan»ın hesabından 6 xal silinib.

Bombardir: Riçard Almeyda («Qarabağ») – 7.