Rusiya Müdafiə Nazirliyinin radardan itər «Tu-154» təyyarəsinin qalıqları Qara dənizdə Soçi sahillərindən 1,5 km uzaqlıqda, 50-70 metr dərinlikdə aşkarlanıb. Rusiya KİV-nin verdiyi məlumata görə, bu barədə Rusiya Müdafiə Nazirliyi məlumat yayıb.

***

10:18

Rusiya KİV-ləri xəbər verir ki, Müdafiə Nazirliyinə məxsus olan və Soçi yaxınlığında qəzaya uğrayan Tu-154 təyyarəsinin sərnişinləri arasında jurnalistlər də var.

Məlumata görə «Birinci kanal»ın və Müdafiə Nazirliyinin «Zvezda» telekanalının reportyorları təyyarənin göyərtəsində olub. Onların Suriyanın Hələb şəhərindən reportaj hazırlamaq üçün ezam edildiyi bildirilir. Təyyarədə Rusiya KİV-lərinin 9 jurnalistlə yanaşı, hərbçilər və Aleksandrov adına ansamblın musiqiçiləri də varmış. Musiqiçilər Suriyanın Xmeymim aerodromunda Yeni il bayramı münasibəti ilə konsert proqramı ilə çıxış etməyi planlaşdırıbmış.

Müdafiə Nazirliyindəki mənbə bildirib ki, təyyarə Soçi aeroportundan havaya qalxdıqdan 20 dəqiqə sonra radarlardan itib, onun Krasnodar yaxınlığında dağlarda qəzaya uğradığı bildirilir. Hadisə yerinə xilasedicilər göndərilib. Qəza barədə prezident Vladimir Putinə təcili məruzə olunub

***

10:00

Rusiyanın göyərtəsində 91 nəfərin olduğu (83 sərnişin və 8 heyət üzvü) hərbi təyyarəsi Krasnodarda qəzaya uğrayıb.

Bu barədə RİA Novosti güc strukturlarındakı mənbəyə istinadən məlumat yayıb.

«Tu-154» yerli vaxtla saat 05.40 (Bakı vaxtı ilə saat 06.40) radələrində Soçinin Adler aerodromundan hava qalxdıqdan qısa müddət sonra elə radarlardan itdiyi bildirilirdi. İlkin məlumata görə, təyyarə Suriyanın Latakiya bölgəsinə doğru uçurmuş.