vaxtlı-vaxtında oxuyun! Çərşənbə axşamı, 12 noyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
TOP OYUNLARI  
12:53 | 7 iyun 2019 | Cümə Məqaləyə 956 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rəhmətlik futbolumuz ...

... Yaxud AFFA-nın qurbanı olanlar üçün sayğı duruşu

CAVAD

MÖVZU İLƏ ƏLAQƏLİ

Başqa cür necə olmalıydı ki? Vaqif Sadıqovun sədr olduğu Məşqçilər Komitəsinin təyinatına müsbət rəy verdiyi Milan Obradoviç məhz belə debüt etməliydi.

21 yaşadək futbolçulardan ibarət Azərbaycan yığması Avropa çempionatının seçmə mərhələsinə məğlubiyyətlə start verdi. Obradoviçin rəhbərlik etdiyi kollektiv səfərdə Lixtenşteynin müvafiq yaş qrupundan ibarət komandası ilə matçda biabırçı nəticəyə imza atdı. 0:1 futbol hesabıdı, darmadağın deyil. Amma...

...Amma bu qələbənin Lixtenşteynin tarixində ilk olduğunu nəzərə alsaq, hər şey aydındı. Bu rəqib əvvəlki 61 rəsmi oyununda hətta 1 xal da qazana bilməmişdi. Yenə onları sevindirmək bizə qismət oldu.

Azərbaycan millisi əvvəllər də Lixtenşteyn futbolu tarixinə düşməyi bacarmışdı. Bu ölkənin əsas yığması ilk qalibiyyətini millimizlə görüşdə əldə edib. AÇ-2000-in seçmə mərhələsində, 1998-ci ildə keçirilən görüşdə Lixtenşteyn millisi Azərbaycanı 2:1 hesabı ilə məğlub edərək, tarixində ilk qələbəsini qazanıb.

O vaxt millimizə Vaqif Sadıqov rəhbərlik edirdi. Belə “xidmətlərinə görə” hətta məşqçibaşı təyin olunan, İcraiyyə Komitəsində illərdi layiq olmadığı kreslonu tutan bu adam nəhayət, layiqli davamçısını tapa bildi. İndi Lixtenşteynin futbol dərsliklərinə Vaqiflə yanaşı, Obradoviçin də şəkli vurulacaq. Cırtdan ölkənin cırtdan qəhrəmanları...

Milanı qınamaq istəmirəm – onun yerinə hansı məşqçi olsaydı, aşağı-yuxarı eyni nəticəyə imza atacaqdı. Çünki Azərbaycanda futbol çoxdan dəfn olunub, səriştəsiz idarəçilər onun axırına çıxıb.

Rövnəq Abdullayev AFFA-ya prezident, Elxan Məmmədov baş katib gələndə bu uşaqlar futbolun sirrlərini təzə-təzə öyrənirdi. Adı çəkilənlərin “öyrətdiyi” futbolun nəticəsi elə bu cür olmalı idi. İllərdi uşaq futbolundakı böhrandan yazanda, yeni nəslin yetişmədiyini deyəndə erməni xaçına söymürdük, reallığı göstərirdik. Və o bomba nəhayət, partladı.

Obradoviç sələfi Rəşad Sadıqovun bu seçmə mərhələ üçün seçdiyi futbolçulardan 8-ni start heyətdə meydana buraxmışdı. Sabiq baş məşqçi gələcəyin komandasını qurmaq üçün bu uşaqları səfərbər etməyə çalışırdı - imkan vermədilər, istefaya göndərdilər. Serb məşqçi isə başqa futbolçu seçə bilmədi, çünki alternativ yoxdu. Bu yaş üçün ən qaymaq sayılanlarımızın nəticəsi isə fiaskodu.

Biabırçı məğlubiyyəti təsvir etmək üçün rəqəmlərə baxaq:

 

Lixtenşteynin əhalisi 38 min nəfərdi. Yəni, uşaqlı-böyüklü bütöv bir ölkəni Respublika stadionuna yerləşdirmək olar.

AFFA-da qeydiyyatdan keçən futbol ailəsinin üzvlərinin sayı 155 min nəfərdi, Lixtenşteyndə isə cəmi 1700 nəfər hansısa formada top qovur. Peşəkarı da, həvəskarı da bu cərgədədi.

 

Və Rövnəq Abdullayevin, Elxan Məmmədovun idarə etdiyi AFFA-nın yarıtmaz fəaliyyəti nəticəsində U-21 millimiz Lixtenşteyndən biabır olaraq dönür. 400 min avro maaş verdikləri Obradoviç də yırtığa yamaq olmadı.

“Zapı”nı Əlövsətin, yoxsa Şumaxerin sürməsinin fərqi yoxdu, onsuz da yolda qalacaqsan. AFFA rəhbərliyi 10 ildən çoxdu futbolumuzun bünövrəsini qazmaqla məşğul olub. Nəhayət, arzuların çatdılar, uçurumdan üzüaşağı yuvarlanırıq.

Dünənki matçdan öncə 1990-2007-ci illərdə UEFA-nın prezidenti olmuş Lennart Yohanssonun vəfatı ilə əlaqədar bir dəqiqəlik sükut elan olunub. Amma biz onu AFFA rəhbərliyinin qatili olduğu Azərbaycan futbolunun şərəfinə sayğı duruşu kimi qəbul etdik.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *