“5-ci kolon”un Avropa İttifaqı həyəcanı...
Sabotajlar nəticə vermir
Aygün MURADXANLI
MÖVZU İLƏ ƏLAQƏLİ
-
Bolqarıstandan Aİ-yə etiraz
Rəsmi Sofiyanın Şengen zonasına daxil olmaqdan imtina edilməsinə reaksiyası sərt oldu
-
Zaqreb üçün böyük gün
Aİ Xorvatiyanın Şengen zonasına daxil olmasını təsdiqləyib
-
Şengen genişlənir
Xorvatiyanın üzvlüyə prəblem olmadığı halda, 1 ölkə Rumıniyanın, 2-si isə Bolqarıstanın əleyhinədir
-
“Yeni iqtisadi şoklar”
Rusiya Mərkəzi Bankı hesabat açıqladı
-
Ağ Evdən Aİ-nin qərarına dəstək
ABŞ tətbiqin Rusiyanın döyüş qabiliyyətinin azaldacağına inanır
-
Pekinin Bakıya marağı artıb
Çin AB-Azərbaycan qaz anlaşmasının yaxından izləyir
-
İnflyasiyada anti-rekord
Avrozona tarixində maksimum geriləmə
-
Qərblə Çinin tək ortaq nöqtəsi
Brüssel və Pekin “yaşıl dəhliz” istəyirlər, ancaq...
-
“Təhdidlər qalib gəlməyəcək”
ABŞ və Aİ Rusiyanın “qaz şantajına” boyun əyməmək barədə xəbərdarlıq edib
-
ABŞ-Aİ razılaşmaları
LNG satışı artırılması və Ukraynaya yardım paketi müzakirə olunur
-
İki hədəfli təşəbbüs
Birləşmiş Ştatlarla Avropa İttifaqı LNG razılaşması əldə edir
-
“Qara siyahı” böyüyür
ABŞ, Avropa İttifaqı və “Böyük yeddilər” Rusiyaya qarşı yeni sanksiyaları açıqlayıb
-
Şoyqu da siyahıdadır
Ehtiyatda daha sərt sanksiyalar saxlanılır
-
Qərbdən sanksiyalarla bağlı siqnallar
ABŞ və Avropa Rusiyaya qarşı əlavə qadağalar hazırlayır
-
“… 3-cü addıma atacağıq”
Zərif: “Avropa öhdəliklərinə əməl etməsə, ….”
-
AB ilə saziş imzalasaydıq...
… Yaxud canavardan qorxan meşəyə getməz
Azərbaycanın “5-ci kolon”u yenə iş başındadır. Dövlət siyasətində azca yumşalma hiss ediləndən, üstəlik, ölkə üçün önəmli beynəlxalq gəlişləmələr gözlənilən ərəfədə yüngül toplarını mübarizə meydanına çıxarıb, hədəflərini atəşə tutmağa başlayıblar.
Azərbaycan gerçəkdən çətin dönəmdən keçir. Qarabağla bağlı sülh danışıqlarında işğalçı Ermənistanın üstünlüyünün təmin edilməsi üçün “5-ci kolon”un bağlı olduğu qüvvələr ciddi əmək sərf edirlər. Son günlər süni şəkildə qızışdırılan müzakirələr, gerçəklərin israrla gizlədilməsi, Azərbaycanın maraqlarına uyğun olmayan məsələlərin milli maraqlara tam uyğunluğu haqqında fikir formalaşdırılması bununla bağlıdır.
Aydın görünür ki, Azərbaycanın Qərbə yaxınlaşma perspektivlərinin yaranması bu qüvvələri ciddi şəkildə narahat edir.
Atılan addımların analizi göstərir ki, dünyanın müxtəlif ölkələrinə səpələnən anti-Azərbaycan qüvvələr Avropa İttifaqı ilə strateji tərəfdaşlıq planının imzalanacağından xüsusi narahatlıq keçirərək, çıxış yolunu Prezident İlham Əliyevi (və ailəsini), onun timsalında bütün Azərbaycanı gözdənsalma kampaniyasını genişləndirməkdə axtarırlar. Böyük ehtimalla yenə də öncəki planlar işə düşəcək – OCCRP-nin, “Transperency İnternational”ın, “Amnesty İnternational”ın hesabatlarında Azərbaycanda korrupsiya problemi qabardılacaq, bu kontekstdə ölkənin Avropa İttifaqı ailəsinə layiq olmadığı iddialarını səsləndirərək, Azərbaycan-Qərb yaxınlaşmasının qarşısını almağa çalışacaqlar. Düşünürlər ki, bu yolla ölkədə ortaya atdıqları məsələlərlə bağlı müzakirələrin, hakimiyyətin ünvanına səsləndirdikləri tənqidlərin alovunu artırsalar, Avropa İttifaqı prosesi uzadar, Azərbaycan onların bağlı olduğu qüvvələrin daha çox təsir dairəsində qalar.
Azərbaycanla Avropa Birliyi arasında strateji tərəfdaşlıq sazişinin imzalanması qərarvermə mərhələsinə qədəm qoyduğu dönəmdə bu addımlar birmənalı olaraq, ölkənin milli maraqlarına qarşı yönəlmiş hərəkət kimi qiymətləndirilməlidir.
Ölkədən kənardakı qüvvələri anlamaq o qədər də çətin deyil. Azərbaycana qarşı qarayaxma kampaniyası onların çörəklərinə yağ yaxır. İzahı çətin Azərbaycanda olub, özünü Qərbpərəst göstərənlərin hərəkətləridir. Qərb dəyərlərinin Azərbaycana gətirilməsi uğurunda mübarizə apardıqlarını iddia edənlər Qərbin Azərbaycana yaxınlaşmasında əyləc rolunu seçib.
Azərbaycan üçün Qərbə inteqrasiya çox önəmlidir. Qafqazda sürətlə dəyişən geosiyasi durum həm Qərb, həm də rəsmi Bakı üçün inteqrasiyanın önəmini artırır. Azərbaycan dövlətinin gələcəyi bu münasibətlərin düzgün qurulmasından çox asılıdır.
Diqqət çəkən həm də odur ki, “5-ci kolon” öz “artilleriya”sını “döyüş meydanı”na Azərbaycanda iqtidar-vətəndaş münasibətləri istiləşməyə doğru getdiyi zaman çıxarır. Məgər iqtidar-vətəndaş münasibətlərinin yaxınlaşmasından yaranan müsbət tendensiyalar uzun illərdir, Avropanın Azərbaycanda görmək istədiyi məqam deyilmi? Ölkədəki rüşvət damarlarının bir-bir kəsilməsi, indiyə qədər büdcəyə deyil, qrup maraqlarına xidmət edən iqtisadi amillərin qanun çərçivəsinə salınması, vətəndaşla dialoq mühitinin qurulması, sosial problemlərin çözülməsi üçün dövlətin imkanlarının səfərbər edilməsi, insan haqları ilə bağlı problemin aradan qaldırılmasına yönəlik addımlar, xüsusən də Əfv Fərmanının imzalanması illərdir, Avropa strukturlarının rəsmi Bakıdan tələbləri sırasında deyildimi? Bundan başqa, Avropa ilə sıx iqtisadi işbirliklərinin qurulması, gələcəyə planlanan projelərin ard-arda işə salınması rəsmi Bakının Qərbə inteqrasiya siyasətində ardıcıl odluğunu sübut etmirmi?
Bu gün həm hakimiyyət içərisindən, həm müxalifətin Bakıda və kənarda olan qüvvələrindən Azərbaycanın Avropa Birliyi ilə yaxınlaşma siyasətini sabotajlarla, sübutu çətin olan iddialarla dəyişmək uğurlu nəticə vəd etmir. Çünki söhbət Azərbaycan üçün son dərəcə həssas məqamdan gedir və praktika göstərir ki, Azərbaycan toplumu belə tarixi dönəmlərdə birləşə, “5-ci kolon”un mövqelərini darmadağın edə bilir.
Bu dəfə də istisna olmayacaq. Yola davam...