vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
QARABAĞ  
22:31 | 23 aprel 2022 | Şənbə Məqaləyə 486 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Karabakh Telekom”u söndürməyin vaxtı çatıb

Ermənilər Şuşa ətrafında baza stansiyalarını gücləndiriblər

Osman GÜNDÜZ

MÖVZU İLƏ ƏLAQƏLİ

Hazırda Şuşada olan bəzi vətəndaşlarımızın və xarici qonaqların telefonlarına "Welcome to Armenia" rouming mesajları göndərilir. Bu mesajlar həmin şəxslərə xidmət göstərən xarici mobil operatorların göndərdiyi rouming xidmətinə qoşulmaqla bağlı mesajlardır.

Hansı ki bu xarici mobil operatorların erməni mobil operatorları ilə rouming razılaşması var.

Güman etmək olar ki, bu şəxslərin telefonları həmin ərazidəki  Ermənistanın və ya Xankəndinin mobil operatorunun (“Karabakh Telecom”) baza stansiyalarının təsir radiusuna daxil olduqda bu tip mesajlar qəbul edir.

Düşünmək olar ki, ermənilər qabaqcadan hesablayıblar ki, Şuşada xeyli xarici qonaqlar olacaq və xarici mobil operatorlar avtomatik olaraq öz müştərilərinə roumingə qoşulmaqla bağlı mesajlar göndərəcəklər.

Və məqsədyönlü olaraq da həmin ərazidə olan baza stansiyaların gücünü artırıb və stansiyanın istiqamətini də Şuşa olaraq seçiblər.

Burada diqqət çəkən məqam həm də ondan ibarətdir ki, erməni tərəf məqsədyönlü olaraq Şuşa ərazisinə olan vətəndaşlarımıza və xarici qonaqlara bu tip mesajlar göndərməklə onları həm də qeydə alır, həmin telefon sahiblərinin bu ərazidə olmasını müəyyən edirlər.

Yəni, ermənilərin baza stansiyası artıq müəyyən edib ki, hansısa bir xarici vətəndaş Şuşa ərazisindədir.

Düşünürəm ki, ermənilərin bu tip cılız hərəkətlərini, mənasız  mesajlarını, ciddiyə almamaq da olardı.

Görünür ki, bu arada  Şuşanın,  burada keçirilən  Zəfər qurultayında Prezidentin çıxışlarının qlobal trendlərə düşməsini həzm edə bilmirlər. 

Amma bizim ərazimizdə, bizim torpaqlarımızda hərəkət edənlərin məlumatlarını toplamağa düşmənlərə  imkan vermək yolverilməzdir.

Bildiyim qədər aidiyyəti qurumlarımız ərazidə zəruri radio monitorinq işləri, radio müdaxilələrin qarşısını almaqla bağlı işlər aparırdılar. 

Görünür ki, yetərli olmayıb. Bu tip işlər daha sürətli davam etdirilməli və tezliklə bitirilməlidir.

Aidiyyəti qurumlarımızın ermənilərə məxsus bu baza stansiyaların dalğalarını Şuşada və bütün Qarabağda söndürmək üçün zəruri addımlar atması, xüsusi avadanlıqlar yerləşdirməsi çox vacibdir.

Eyni zamanda, onların bu cür beynəlxalq normalara zidd olan  davranışlarına görə, “Karabakh Telekom”un bütün Qarabağ ərazisindəki baza stansiyalarını tam olaraq söndürmək məntiqli olardı. 

Bildiyim qədər bu problem olmamalıdır.