
Rusiyanın dərdi nədir?
Yaxın Şərq yenidən dizayn edilərkən, yeni bir Qafqaz da formalaşır
Yaxın Şərq yenidən dizayn edilərkən, yeni bir Qafqaz da formalaşır
Moskva və Tehran eyni vaxtda, tam koordinasiyalı şəkildə Azərbaycanın üzərinə gəlir
Kreml daxilindəki saray intriqaları və hakimiyyət uğrunda gedən mübarizədə ...
Hər müstəqil addım onun gözündə xəyanətdir
Kreml Azərbaycanda 90-cı ildə ölüb, 92-də dəfn olunub
Müsəlmanlar Rusiyada “sevimli” hədəfdir
Geosiyasi qərarin güvənlik böhranina çevrilməsi
Türkiyəlilərə 30 lirəyə olan qiymət xarici turistlərə 1 avrodur
Əgər Araqçı səfirinin ağzının üstündən vurmursa, ...
Neft razılaşması Yunanıstanda panika yaratdı
Ərdoğan və Tramp arasında NATO Sammiti çərçivəsində əl sıxışdı
Ermənistan Qərbə niyə yaxınlaşır?
Cenevrədə sülhpərvərlik və dialoqdan, İstanbulda isə İslam həmrəyliyindən dəm vuran iranlı
Təkanlar Bodrumda hiss olunub
Türkiyənin strategiyasını yeniləməsi regional hadisələr və rəqabət səhnəsini hərəkətə gətirəcək
“Dönər kabab”ın hansı meyarları var?
Azərbaycanla Türkiyə arasında bağlanmış hərbi sahədə əməkdaşlıq haqqında sazişə əsasən keçirilən “Qardaş yumruğu” kod adlı Azərbaycan-Türkiyə birgə təlimləri başa çatdı.
Təlimlər bir çox baxımdan diqqət çəkdi və başda İran olmaqla regionda imperialist maraqları olan, bu maraqlar çərçivəsində Azərbaycana təhdid yaradan qüvvələrə kifayət qədər ciddi mesaj oldu.
Xüsusilə təlimlər İrana cavab mahiyyəti daşıyırdı və demək olar ki, rəsmi Tehranın həm bir müddət öncə Araz çayı boyunca keçirdiyi “Qüdrətli İran” adlandırdığı təlimlərinə, həm də SEPAH-a bağlı Teleqram kanallarında İranın Xəzər dənizindən Bakı buxtasına hücum edəcəyinə dair yayılan təhdid xəbərlərinə layiqli cavab oldu.
Təlimlər çərçivəsində diqqətçəkən əsas məqam isə şübhəsiz təlimlərə Türkiyə Hərbi Hava Qüvvələrinin “F-16” qırıcılarının cəlb edilməsi oldu. “F-16” qırıcılarının təlimlərə cəlb edilməsi Azərbaycan Prezidenti İlham Əliyevin 2020-ci ildə AzTV vasitəsilə xalqa müraciətində toxunduğu bir məqamı yenidən aktuallaşdırdı:
“Bu bir ay ərzində, demək olar ki, mən hər gün müsahibə verirəm. Mənə sual verilir ki, Türkiyənin F-16-ları nə gəzir sizdə? Mən cavab verməkdən yorulmuşam. Gedin açın, peykiniz var, görmürsünüz nə gəzir? Gedin baxın “F-16” nə edir, havadadır, yerdədir? Hər kəs bilir ki, yerdədir. Özü də təlimlər üçün gəlib və müharibə başlayanda qalıbdır. Türkiyəli qardaşlarımız onları bizə mənəvi dəstək vermək üçün saxlayıblar. Bir də ki, əgər bizə qarşı kənardan təcavüz olarsa, o “F-16”ları görəcəklər onlar”, – deyə dövlət başçısı xalqa müraciətində vurğulamışdı.
Prezidentin iki il öncə dediyi bu sözlər faktiki olaraq təlimlər fonunda bir daha özünü doğrultdu. Düzdür, Azərbaycana İran tərəfdən birbaşa təcavüz olmasa da faktiki olaraq təhdid yarandı. Buna cavab olaraq da rəsmi Tehran “F-16”ları gördü.
Bu bir daha İrana açıq bir mesaj idi. Yəni İranın təhdidi qarşısında türk F-16-ları təlimlər adı altında havaya qalxdı. Ehtimal təcavüz riski qarşısında isə həmin “F-16”lar təlimlərdə icra etdiklərini real döyüş vəziyyətində də icra edə bilər.