Bu il ədəbiyyat üzrə Nobel mükafatına sahiblənməklə bütün dünyanı təəccübləndirən məşhur musiqiçi Bob Dilan ilk dəfə olaraq ictimaiyyətə açıqlama verib. Moderator.az xarici mediaya istinadən xəbər verir ki, 13 oktyabr tarixində nüfuzlu mükafata layiq görülən Bob Dilanla Nobel Komissiyasının üzvləri heç cür əlaqə yarada bilmirdilər.

Hətta komissiya üzvlərindən biri buna hiddətini də bildirmişdi. Fərziyyələrə görə, Bob Dilanın mükafatdan imtina edəcəyi də gözlənilirdi. Qocaman musiqiçi açıqlamasında Nobel mükafatını qəbul etdiyini bildirib. Bununla da o, mükafatdan imtina məsələsinə birdəfəlik aydınlıq gətirib. Lakin o, 10 dekabr tarixində keçiriləcək mükafatın ənənəvi təqdimat mərasimi haqqında heç nə deməyib.  

Qeyd edək ki, Bob Dilan Nobel mükafatını qazanandan sonra iki dəfə böyük konsert versə də, bu barədə  bir cümlə də səsləndirməyib.