Avropa Mərkəzi Bankının (AMB) İdarə Heyətinin alman üzvü İzabel Şnabel qlobal ticarətdə parçalanmanın inflyasiyaya təkan verəcəyi və bütün dünyada iqtisadi artımı azaldacağı barədə xəbərdarlıq edib.

Şnabelin Parisdəki “SciencesPo” Universitetində verdiyi “Avrozonada artımın canlandırılması” adlı təqdimatı bankın saytında dərc olunub.

Şnabel təqdimatında qlobal ticarətdə ciddi pozuntuların dünya miqyasında inflyasiyanın bir neçə faiz bəndi yüksəlməsinə səbəb ola biləcəyini, lakin təsirlərin aradan qaldırılması üçün illər lazım olacağını bildirib.

Qlobal ticarətdəki parçalanmanın iqtisadi artımı da əhəmiyyətli dərəcədə azaldacağını vurğulayan Schnabel, “Ticarətin parçalanması iqtisadi böyümə və inflyasiya üçün struktur olaraq zərərlidir”, – deyib.

Geosiyasi qeyri-müəyyənlik, proteksionizm və iqtisadi siyasətlə bağlı artan qeyri-müəyyənliyə diqqət çəkən Şnabel ABŞ-ın qlobal iqtisadiyyatdakı roluna diqqət çəkib.

İzabel Şnabel qeyd edib ki, ABŞ-ın ticarət və iqtisadi siyasətləri Avropada iqtisadi qərarlara təsir edə bilər.