vaxtlı-vaxtında oxuyun! Bazar, 21 iyul 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
TOP OYUNLARI  
17:52 | 14 fevral 2019 | Cümə axşamı Məqaləyə 433 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Yurçeviç istəsə, təklif edəcəyik”

Vaqif Sadıqov: “AFFA rəhbərliyi üçüncü kateqoriyanı seçdi”

Səbuhi NƏRİMANOĞLU

MÖVZU İLƏ ƏLAQƏLİ

AFFA-nın Məşqçilər Komitəsi (MK) yığmamızın yeni baş məşqçisi Nikola Yurçeviçlə hələ ki, görüşməyib. Yığmaya təyinatının artıq 3 gündü rəsmiləşməsinə baxmayaraq xorvatiyalı mütəxəssis hələ ki, Məşqçilər Komitəsi ilə görüşməyi lazım bilmir. Bəs bu gecikmənin səbəbi nədi? Ümumiyyətlə, Yurçeviç yığmamıza nə verə bilər? Bu və ya bir sıra suallarımıza cavab almaq üçün MK-nın sədri Vaqif Sadıqovla danışdıq.

Vaqif bəy açıqlamasında bunları söylədi:

- Hələ görüş baş tutmayıb. Bunun nə vaxt olacağına dair heç nə deyilməyib. Onun da plandan xəbəri olmalıdı. Məncə görüş bu yaxınlarda istər-istəməz baş tutmalıdı. Təyinatı olub, yəqin ki, bizə də təqdim ediləcək.

- Yurçeviçlə görüşdə hansı təklifləri irəli sürəcəksiz?

- Məncə ilk növbədə tanışlıq xarakterli olacaq. Daha sonra o planlarını açıqlasın ki, nə etmək istəyir. Baxaq görək necə siyahı hazırlayacaq, kimləri dəvət edəcək və hansı oyun üslubuna üstünlük verəcək? Bundan sonra müzakirələr apara bilərik. Hazırda Yurçeviç Bakıdadı. İcraiyyə Komitəsində namizədlərin adı sadalananda, Yurçeviç o insanlardan idi ki, Bakıda yaşamağın, futbolumuzla yaxından tanışlığın tərəfdarı olub. Bəzi namizədlər vardı ki, Bakıda qalmayacaqlarını deyirdilər. Onlar da istər-istəməz siyahıdan çıxarılırdılar. Sonda Yurçeviçlə müqavilə bağlandı.

 

- Ciddi uğurları olmayan Yurçeviçin təyinatı birmənalı qarşılanmadı. Bəs Vaqif bəy bu seçimlə bağlı nə düşünür?

- İstər-istəməz belədir. AFFA rəhbərliyi 3 kateqoriya üzrə axtarış apardığını açıqlamışdı - tanınmış məşqçilər, yaxud futbolçular, məşqçiliyə yeni başlayanlar və az ödənişli, eyni zamanda yığma təcrübəsi olanlar. İlk iki kateqoriyadan məşqçilər görmüşdük. Bu dəfə 3-cü kateqoriya üzrə seçim edildi. Baxmayaraq ki, zamana ehtiyac var. Şəxsən Yurçeviçdən soruşmuşdum ki, milli komandaya rəhbərlik etmək üçün nə motivasiya lazımdı və siz buna hazırsızmı? Səmimi cavab verdi, hiss etdim ki, özünü isbatlamaq istəyir. Digər iki kateqoriyada olan məşqçilər bizimlə çalışıb. Bu üzdən üçüncü istiqamətə üstünlük verdik. İstər tanınmış futbolçu və ya məşqçi olsun, hamımız istəyirik ki, futbolumuz inkişaf eləsin. Reallıqdan qaçmaq mümkün deyil. Çətin olacağını hamımız başa düşürük. Amma hansısa şans varsa istifadə etməliyik və reallığı dəyişdirməyə çalışmalıyıq. Buna qədər yığmaya Torres, Foqts, Prosineçki kimi məşqçilər təyin edilib. Hal-hazırda AFFA rəhbərliyi başqa istiqamətə yönəlib və yığma təcrübəsi olan işçi qabiliyyətinə malik bir məşqçiyə tapşırılıb. Ancaq reallıq budu ki, daha öncə Qurban Qurbanov da xeyli çalışmaq lazım olduğunu, problemlərin çoxluğunu qeyd etmişdi. Bunu həll etmək üçün hamımızın birləşməsi çox vacibdir. Məncə Yurçeviç də anlayır və çox çalışmaq lazım olduğunu başa düşür. Qrupumuz çətindir, üstəlik noyabrda, yəni 9 aydan sonra seçmə mərhələ bitəcək. Demək olar yanvar, fevral ayları arxada qalıb. Dekabrı da çıxsaq, 9 ay Avropa çempionatının seçmə mərhələsi keçiriləcək. Gərgin bir qrafik və çətin oyunlarımız olacaq.

 

- Rəsmi oyuna az müddət qalıb və təyinat gec rəsmiləşib. Sadıqovun fikrincə Yurçeviç martın 21-də Xorvatiya ilə baş tutacaq oyuna yığmanı nə dərəcədə hazırlaya biləcək?

- Bu suala özü daha yaxşı cavab verə bilər. Ancaq özü də bildirdi ki, yerliləri Azərbaycanda işlədiyi üçün öncədən məlumatı olub. Danışıqlara start verən andan isə şəxsən özü məlumat toplamağa başlayıb. Bakıda olmayanda internet vasitəsilə oyunlara baxdığını deyib. Bir neçə oyunda iştirak etdiyini və istədikləri oyunları görə bildiyini, ancaq seçimlərin davam etdiyini söylədi. Fevralda tanışlıq xarakterli təlim-məşq toplanışı keçirmək və martda sırf oyuna hazırlıq üçün komandanı yığmaq istədiyini bildirdi. Sizinlə razıyam ki, birdən-birə heç nə olmur. Nə dərəcədə özünü doğruldacağını indidən demək çətindir. Ən vacibi ilk təlim-məşq toplanışında komanda ilə ünsiyyət qurmaqdı.


- Bəs Yurçeviçin köməkçilərinin kimlər olacağı ilə bağlı məlumatlar var?

- Xeyr, bu barədə məlumat yoxdur. Mətbuat konfransında 3 köməkçi istədiyini bildirdi. Özü istədiyi insanlarla danışacaq. Bizim təkliflərimiz? Yurçeviç istəsə namizədlərimizi təklif edəcəyik. Hazırda nəsə demək çətindir”.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *