vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
ELM-TƏHSİL, DİN  
16:16 | 27 mart 2022 | Bazar Məqaləyə 1057 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Elm gününün proqramları

“Tarixdə ancaq elmə, təcrübəyə və məntiqə önəm verən cəmiyyətlər qalacaq”

İBRAHİM

MÖVZU İLƏ ƏLAQƏLİ

Biliyin 5 qaynağı var:

1. Fizika - ölçüsü elmi təcrübədir

2. Ağıl - ölçüsü məntiqdir

3. İntuisiya - ölçüsü yoxdur

4. Dedi-qodu - ölçüsü yoxdur

5. Metafizika - ölçüsü yoxdur

Tarixdəki bütün fəlakətlərdən çıxarılacaq bir dərs var: “Tarixdə ancaq elmə, elmi təcrübəyə və məntiqə önəm verən cəmiyyətlər qalacaqlar”.

***

Bu gün əziz müəllimim, görkəmli riyaziyyatçı, akademik Asəf Haciyevlə axşam yeməyində bir yerdəyik.

Asəf müəllim hazırda mərkəzi İstanbulda yerləşən Qara dəniz İqtisadi Əməkdaşlıq Təşkilatı Parlament Assambleyasının Baş katibidir. 

Bir şəhərdə yaşasaq da olan Asəf müəllimi İstanbulda tapmaq müşkül məsələdir – ezamiyyətlər, beynəlxalq tədbirlər, bitmək bilməyən görüşlər və s.

Neçə vaxtdır görüşüb söhbətləşməyə uyğun zaman axtarırdıq.

Nəhayət, iki gün əvvəl zəng edib “27 marta proqramın nədir?” söyləyəndə cavabım “Proqramım bütün proqramlarımı ləğv etmək” deyə cavab verdim. 

Bu sabah Asəf müəllimin görüşümüzü niyə məhz 27 marta saldığını anladım.

Axı bu gün “Elm günü”dür… 

Azərbaycan Milli Elmlər Akademiyası (AMEA) 27 mart 1945-ci ildə təsis olunub.

2018-ci ildə isə Azərbaycan prezidenti İlham Əliyevin sərəncamı ilə ölkəmizdə “Elm günü” təsis edilib.

Başda əziz müəllimlərim olmaqla əsil alimlərimizi ürəkdən təbrik edir, zehin açıqlığı və uzun ömür arzulayıram.

Alim adını yüksək tutan, sabaha işıq saçan bütün elm adamlarının bayramı mübarək olsun!