vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
TOP OYUNLARI  
16:35 | 14 iyun 2022 | Çərşənbə axşamı Məqaləyə 1734 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Ən güclüsü “Lex” idi”

100 yaşını qeyd edən komanda 2022-yə xüsusi yanaşır

MÖVZU İLƏ ƏLAQƏLİ

“Bu mərhələdə potensial rəqiblərimiz arasında ən güclülərdən biri “Lex” idi. “Lex” bu il yaranışının 100 illiyini qeyd etdiyindən, 2022-ci ilə xüsusi yanaşır. Əbəs yerə deyil ki, 7 il sonra Polşa çempionu oldular. Bu komanda da püşkdə bizə rəqib oldu”.

Bunu “Qarabağ”ın baş məşqçisi Qurban Qurbanov komandanın UEFA Çempionlar Liqasının I təsnifat mərhələsindəki rəqibi barədə klubun rəsmi saytına danışarkən deyib.

50 yaşlı mütəxəssis Çempionlar Liqasında zəif komandanın olmadığını xatırladıb: “Bütün komandalar öz ölkələrinin çempionlarıdır. Avrokuboklarda iştirak edən komandaların təcrübəsi çoxalıb. Hər bir rəqib həm klub, həm də komanda olaraq çox ciddi hazırlaşır. Hamısı anlayır ki, bu turnirdə uğurlu çıxış etmək həm gələcək perspektivləri baxımından vacibdir, həm də maddi üstünlüklər əldə etmək olar”.

Qurbanov hər bir rəqibə olduğu kimi, “Lex”ə qarşı da ciddi yanaşacaqlarını bildirib: “İnanıram ki, püşkdə bu rəqibin düşməsi bizi və futbolçuları daha da məsuliyyətli edəcək. Futbolçuların çoxunun istirahətə vaxtı yoxdur. Öncə bu rəqibə qarşı öz idman formamızı yaxşılaşdırmalıyıq. Çalışacağıq ki, ən düzgününü, doğrusunu edək. Həqiqətən çox ciddi rəqibdir. Az vaxtda çalışmalıyıq ki, rəqibə qarşı çox düzgün hazırlıq keçək”.

Qeyd edək ki, “Qarabağ” ilk oyununu 5-6 iyulda səfərdə, cavab görüşünü 12-13 iyulda evdə keçirəcək.