vaxtlı-vaxtında oxuyun! Şənbə, 20 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
KİNO-TEATR  
10:15 | 28 iyun 2022 | Çərşənbə axşamı Məqaləyə 1992 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Türk kinosunun daha bir ulduzu söndü...

Cüneyt Arkın 85 yaşında dünyadan köçdü

MÖVZU İLƏ ƏLAQƏLİ

Türkiyənin gəlib-keçmiş ən məşhur aktyorlarından biri, “Yeşilçam”ın unudulmaz siması Cüneyt Arkın iyunun 28-də, ömrünün 85-ci ilində vəfat edib. Sənətkarın ürək tutmasından dünyasını dəyişdiyi bildirilir.

Əsl adı (şəxsiyyət vəsiqəsində) Fahrettin Cüreklibatur olan Cüneyt Arkın 8 sentyabr 1937-ci ildə Əskişəhərdə doğulub. Kinoya gəlməzdən öncə incəsənətdən uzaq bir ixtisas üzrə ali təhsil alıb, 1961-ci ildə İstanbul Universitetinin Tibb fakültəsini bitirib. 1963-cü ildə “Taleyin məhkumları” adlı ilk filmə çəkilir və dərhal məşhurlaşır. Sonrakı iki ildə 30-dan çox filmdə rol alan Cüneyt Arkın türk kinosunun ulduzlarından birinə çevrilir.

Müxtəlif janrlarda filmlərə dəvət alan aktyorun ömür yolu, demək olar ki, çəkiliş meydançalarında keçib. Ümumilikdə 300-dək filmdə çəkilən Cüneyt Arkın “Qürbət quşları”, “Hərəmxanada dörd qadın”, “İntiqam atəşi”, “Dodaqdan qəlbə”, “Arım, balım, pətəyim” melodramlarında, eləcə də “Malkoçoğlu”, “Kara Murat” kimi silsilə filmlərdə rolları ilə xüsusilə şöhrət qazanmışdı.

Dəfələrlə Türkiyənin müxtəlif kinofestivallarında mükafatlar almış sənətkar həm də gözəl şeirlər yazırdı. İki dəfə ailə həyatı qursa da, övladları olsa da, özünü daim tənha hiss etdiyini deyərdi. Buna rəğmən, həyatı çox sevir və şeirlərində də bu sevgini tərənnüm edirdi.

Aktyor uşaqlıq illərini də daxili tənhalıq içində xatırlayırdı: “Tarlada çalışan qadınları seyr edərdim. Axşamlar sərin küləklər vızıldayardı qulaqlarımda. Hər gün ucsuz-bucaqsız düzənliklərdən gələn qatarların yolunu səbirsizliklə oturub gözləyərdim. Bu mənim ilk tənhalıq duyğularımdır. Həmişə özümü tənha hiss etmişəm...”.