vaxtlı-vaxtında oxuyun! Şənbə, 15 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
DÜNYA  
11:29 | 8 oktyabr 2022 | Şənbə Məqaləyə 1077 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Çinin əvvəlki tempi bərpa olunmayacaq

Dünya iqtisadiyyatı tənəzzüldən qurtulmağa çalışır

Elxan ŞAHİNOĞLU

MÖVZU İLƏ ƏLAQƏLİ

Dünya ölkələrini 2 il ərzində bürüyən koronavirus xeyli problem yaradıb. İqtisadi tənəzzül və inflyasiya vaxtilə inkişaf edən ölkələrin əsas probleminə çevrilib. Avropa İttifaqı ölkələri enerji problemi ilə də üzləşiblər. Rusiyanın Ukraynaya qarşı işğalçı müharibəsi neft və qazın qiymətlərini artırıb. Bu qışın Avropa ölkələri üçün ağır keçəcəyi proqnozlaşdırılır.

Çində də iqtisadi vəziyyət mürəkkəbdir. Çinin daşınmaz əmlak bazarı iflas həddindədir. Ümumdünya Bankının hesabatına görə, 1990-cı ildən bu yana bır sıra Asiya ölkəsi iqtisadi inkişafa görə Çini qabaqlaya bilər. Asiya ölkələrinin iqtisadi inkişafı 5 faizi keçərkən, Çinin göstəricisi 3 faizə çatmayacaq.

Buna baxmayaraq, Ümumdünya Bankının monitorinqinə görə Pekin koronavirusla mübarizədə uğurlar qazanıb. Ancaq bu mübarizə Çin iqtisadiyyatına baha başa gəlib, idxal-ixrac əməliyyatları, sənaye istehsalı azalıb. Logistikada problemlər yaranıb, məhsulların daşınma və çatdırılma zəncirində qırılmalar var. Digər tərəfdən Çinin “Alibaba” kimi nəhəng şirkətlərinə qarşı müxtəlif qadağalar da tətbiq edilib ki, bu da ölkənin gəlirlərinə mənfi təsir edib.

“Wall Street Journal” dərgisində dərc olunan məqalədə, Çin iqtisadiyyatının problemlərinin artacağını proqnozlaşdırıb. “Reuters” agentliyi də Çin iqtisadiyyatında qeyri-müəyyənliyin davam etdiyinə dair analiz paylaşıb. Çindəki sənaye müəssisələrinin gəlirlərinin təxminən 2 faiz azalması da bundan xəbər verir. Çin iqtisadiyyatında normallaşma mərhələsi başlayarkən, koronavirusun yayılmasıyla əlaqədar bir sıra sənaye şəhərində yenidən qadağalar və qapanmalar tətbiq edilməyə başlanıb. İqtisadçılar Çin iqtisadiyyatının 2023-cü ildə keçmiş illərdəki inkişaf tempini bərpa etməyəcəyini proqnozlaşdırırlar.

Qurultaya hazırlaşan Çin Kommunist Partiyası Ümumdünya Bankının və Qərb mətbuatının proqnozları ilə razı deyil. Pekin iqtisadi inkişaf tempinin artacağına əmindir. Çin iqtisadiyyatı 30 il ərzində 10 faiz artım nümayiş etdirib. Ancaq bir qrup iqtisadçı bu inkişafın sonsuza qədər davam etməyəcəyini bildiriblər. Almaniya, İtaliya, Cənubi Koreya və Yaponiya da uzun illər inkişaf dövrü yaşayıblar, ancaq hazırda müxtəlif problemlərin həlliylə məşğuldurlar.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)