ABŞ-da satışda olan 1000-dən çox şampun geri qaytarılıb. Şampunlarda ciddi infeksiyalara səbəb ola biləcək bakteriyaların olması ehtimal edilir.

Geri qayıdan məhsullar baş ofisi Almaniyada yerləşən “Henkel” kimya şirkətinə aid olub. “Dial” sabunu və “Snuggle” kondisioneri kimi məhsullar istehsal edən “Henkel”ə görə, “Tec Italy Shampoo Totale” markası altında məhsullar Nyu-York və Kaliforniya vasitəsilə ABŞ-da paylandı, lakin başqa ştatlara da göndərilmiş ola bilərlər.

Geri çağırma şirkətin Meksika filialı tərəfindən edilib və 1068 ədəd məhsula şamil edildiyi bildirilib.

***

“Henkel” bildirib ki, şampunun tərkibində normal olaraq bağırsaqlarda olan sağlam bakteriya olan “Klebsiella oxytoca” ola bilər. Həmin bakteriyalar bağırsaqlardan kənarda burun və dəri infeksiyalarına səbəb ola bilər.

Şirkət xəbərdarlıq edib ki, mənfi reaksiya riski (dərman və ya cərrahiyyə kimi digər müdaxilənin arzuolunmaz zərərli təsiri) immun sistemi zəif olan insanlarda daha yüksəkdir.

Şirkət indiyə qədər səhhətində heç bir problemin olmadığını açıqlayıb.

Çirklənmə mikrobioloji analiz zamanı şampunda bakteriya tapıldıqdan sonra aşkar edilib.

“Bu hadisə ilə bağlı simptomları görən və ya hər hansı tibbi sualı olan istehlakçılar dərhal həkimə müraciət etməlidirlər”, – şirkətin açıqlamasında deyilir.

***

Geri çağırma yaşıl rəngli 1 litrlik plastik şüşələrə qablaşdırılan şampun şüşələrinə aiddir. Şüşənin arxa tərəfində çap olunan və məhsulları müəyyən etmək üçün istifadə edilən Universal Məhsul Kodunda (UPC) 7501438375850 ünvanı var. Avropalı istehlakçılar “Tec İtaliya” məhsullarını onlayn da əldə edə bilərlər.