2027-ci ildə çıxan filmlərdə çəkilən kaskadyorlar və dubliyor tərtibatı 2028-ci ildən etibarən “Oskar”da yeni nominasiya üzrə mükafatlandırılacaq.

Tom Kruzun hər yeni “Mümkün olmayan missiya” silsilərəindən Qaret Evansın nəfəs kəsən “The Raid” filminin dublyoruna qədər çəkilişlərdə yer alan kaskadyorlar yarandığı gündən kinonun ayrılmaz hissəsi olub.

İndi, illərlə kaskadyor sənətini tanıyan “Oskar”a film mütəxəssislərinin çağırışlarından sonra akademiya bu işlə məşğul olanlara da rəsmi mükafat vermək qərarına gəlib.

2027-ci ildə nümayiş olunacaq filmlər Dublyor nominasiyası üzrə qiymətləndiriləcək 100-cü Akademiya Mükafatlarından başlayaraq kaskadyorlara da “Oskar” heykəlciyi təqdim olunacaq.

Akademiyanın baş direktoru Bill Kramer və Akademiyanın prezidenti Canet Yanq birgə bəyanatda bildiriblər ki, kinonun ilk günlərindən başlayaraq kaskadyorluq film istehsalının ayrılmaz hissəsi olub. “Biz bu texniki və yaradıcı rəssamların innovativ işini təqdir etməkdən qürur duyuruq və onları bu mühüm hadisəyə nail olmaqda göstərdikləri əzm və fədakarlığa görə təbrik edirik”.

“The Fall Guy” filminin rejissoru Deyvid Leytç yeni mükafatın yaradılmasına rəhbərlik edib.

Leytç karyerasına Brad Pitt kimi ulduzların dublyoru kimi başlayıb və “Con Uik” kimi kaskadyorluq üçün çətin filmlərə rejissorluq edib. O və “Stunts Unlimited” qrupunun kaskadyor koordinatoru və dizayneri Kris O'Hara yeni mükafatın əlavə edilməsi üçün akademiyaya təqdimatlar etdilər.

"Kakadyorluq filmin hər bir janrı üçün vacibdir və Baster Kiton, Harold Lloyd və Çarli Çaplin kimi ilk qabaqcılların təməlqoyma işlərindən tutmuş bugünkü kaskadyorların, koordinatorların, aktyorların və xoreoqrafların ruhlandırıcı sənətinə qədər film sənayemizin tarixində dərin köklərə malikdir. Kris O'Hara və mən bu anı həyata keçirmək üçün illər boyu çalışdıq və onilliklər ərzində tanınmaq üçün yorulmadan mübarizə aparan kaskadyorların yanında dayandıq. Biz inanılmaz dərəcədə minnətdarıq”, – Leitç deyib.

Digər film mükafatları kaskadyorların təltifində daha irəlidədir.

Məsələn, “Emmy” Mükafatları kaskadyor koordinasiyası və kaskadyor performansını, “Screen Actors Guild Awards” isə televiziya və kinoda kaskadyor ansambllarını mükafatlandırır.

“Con Uik”də birgə rejissorluq edən və Kianu Rivzin dublyoru edən Çad Stahelski hələ görüləsi işlərin olduğunu deyib: "Dublyorluğa görə “Oskar” Mükafatı vermək ideyası əladır – məni səhv başa düşməyin. İndi mən bilmək istəyirəm ki, bunu mükafatı kimin alacağına kim qərar verəcək? Əslində mükafatı kimin alacağı çox maraqlıdır. Çünki dublyorluğu Bunu 100 il əvvəl olduğu kimi dizayn bir nəfər tərtib etmir. Bu, birgə komanda işidir”.

“Kaskadyorlar çox əməkdaşlıq edən və mürəkkəb bir şöbədir. Mükafatın kimə getdiyini necə müəyyənləşdirə bilərik? Mükafatı almaq üçün 100 il sərf etdik, gəlin bunun doğru insanlara getdiyinə əmin olaq”, – Stahelski deyib.