Bu axşam saatlarında Əli Sami Yen Rams Park İdman Kompleksində keçirilən “Qalatasaray” – “Kayserispor” matçında 3:0 hesabı ilə qalib gələn sarı-qırmızılılar armasına 5-ci ulduzu taxan ilk komanda kimi tarixə düşüb.

Bu qələbə ilə xalını 89-a çatdıran “Qalatasaray” ən yaxın izləyicisi “Fənərbaxça”dan 8 xal fərqi ilə çempionluğunu rəsmən elan etdi.

Doğma meydanda “Kayserispor”u 3:0 hesabı ilə məğlub edən “sarı-qırmızılar” 25-ci çempionluğunu elan edib. “Qalatasaray” bu çempionluqla Super Liqa tarixində 5-ci ulduza yüksələn ilk komanda oldu. Bu çempionluqla Okan Buruk və futbolçuları ardıcıl üçüncü çempionluğunu əldə ediblər.

Komandanın argentinalı mərkəz hücumçusu Mauro İkardinin zədəsi səbəbindən tribunadan izlədiyi matçda ilk qolu argentinalının həmkarı Viktor Osimhen vurub.

26-cı dəqiqədə Qabriel Saranın ötürməsini dəqiq baş zərbəsi ilə qola çevirən Osimhenin arxasınca ikinci qol 31-ci dəqiqədə Barış Alper Yılmazdan gəldi.

Lukas Torreyranın cərimə meydançasına göndərdiyi topu başıyla Yılmaz qapıdan keçirdi.

Matçın 86-cı dəqiqəsində “Qalatasaray”ın ispaniyalı forvardı Alvaro Morata cərimə meydançasında rəqibin müdaxiləsi ilə yerə yıxılandan sonra və VAR yoxlamasından sonra “Kayserisporun” qapısına penalti təyin olundu.

Penalti qərarından sonra tribunadan yüksələn “Fernando Muslera”nın çığırtılarını eşidən “Qalatasaray”ın təcrübəli qapıçısı Muslera topun arxasına keçdi və həmkarı Bilal Bayazıtı məğlub edərək matçın hesabını müəyyənləşdirərdi.

14 ildir “Sarı-qırmızılı” formanı geyinən Muslera son qolunu düz 12 il əvvəl, 2012-ci ilin aprelində “Manisaspor”un qapısına yenə penaltidən vurmuşdu.

Qarşılaşmanın baş hakimi Əli Şansalan final fitini çalınca, “Rams Park”da “sarı-qırmızılı” azarkeşlər yeni çempionluğu və ulduzu böyük coşqu ilə qarşıladılar. Bu çempionluq Cim-Bomun ard-arda qazandığı 3-cü çempionluğu oldu.

2000-2001 mövsümündə hər beş çempionata bir ulduz verilməsi sistemi tətbiq ediləndə “Qalatasaray” əzəli rəqibi Fənərbaxça ilə birlikdə iki ulduz geyinmişdi.

Bir mövsüm sonra 15-ci çempionluğunu qazanan “sarı-qırmızılar” üçüncü ulduzu daşıyan ilk komanda oldu.

Eynilə, Qalatasaray 2014-2015 mövsümü çempionluğu ilə dördüncü ulduzu geyinən ilk komanda oldu.

“Bizimlə qal Osimhen”

“Qalatasaray”ın çempionluğu ilə nəticələnən qarşılaşma “sarı-qırmızılar”ın nigeriyalı qapıçısı Viktor Osimhenlə əlamətdar olub. Sentyabrda icarə əsasında “Qalatasaray”a keçdikdən sonra Super Liqada 29 matçda 25, Türkiyə Kubokunda 4 matçda 5, Avropa Liqasında 7 matçda 6 qol vuran ulduz mərkəz hücumçusu azarkeşlərin böyük sevgisini qazanıb.

“Bizimlə qal Osi! Məcbur olduğun üçün deyil, istədiyin üçün” yazılmış ingilis pankartı və Osimhenin şəkli olan nəhəng afişanın açıldığı tribunalar Osimhenin bir il daha Qalatasarayda qalmasını tələb edirdi.

Hazırda transfer qiyməti Napolidə olan ulduzun qərarının necə olacağı maraq doğurur.

Yeri gəlmişkən Osimenin atdığı qolun anonsunu hücumçunun yaşyarımlıq qızı edib.

P.S. “Fənərbaxça” bu mövsümün sonunda öz rekordunu yeniləyib. Sarı-larcıvərd klubu ikincilik qazanmaqla özünə aid olan ən çox ikincilik qazanan klubu rekordunu yenilədi.