Kerç boğazında batan gəminin minlərlə ton dizel yanacağını dənizə tökməsinə baxmayaraq, ruslar Qara dəniz çimərliklərinə axışır.

Hər yay minlərlə turist istirahət üçün Rusiyanın Qara dəniz sahillərindəki çimərliklərə axın edirlər. Rusiya tarixindəki ən pis ekoloji fəlakətlərdən biri belə onları uzaqlaşdırmaq üçün kifayət deyil.

2024-cü ilin dekabr ayının sonlarında ilhaq edilmiş Krım yarımadası ilə Rusiyanın Krasnodar bölgəsi arasında Kerç boğazında fırtına zamanı iki köhnə neft tankeri batdı və minlərlə ton dizel yanacağı, ağır mazut növü dənizə dağıldı.

O vaxtdan bəri yerli hakimiyyət orqanları, könüllülər və sakinlər zəhərli, çətin çıxarılan və dəniz həyatı və sahil ekosistemləri üçün ciddi təhlükə yaradan yanacağın təmizlənməsi üçün mübarizə aparırlar.

***

“The Moscow Times”ın yazdığına görə, dənizə vurduğu ekoloji zərərdən əlavə, 2400 ton yanacağın 50 kilometrlik sahil xətti boyunca yayılması Qara dəniz kurortlarında istirahətin təhlükəsizliyi ilə bağlı ciddi narahatlıqlar yaradıb.

Rusiyanın səhiyyə orqanı “Rospotrebnadzor”, “Volgoneft 212” və “Volgoneft 239” tankerlərinin batmasından sonra Anapa bölgəsindəki çimərliklərin “risk altında qaldığını deyib.

Lakin üzgüçülük qadağasının davam etməsinə baxmayaraq, turistlərin sularda həzz aldığı görülüb.

Bir çox ruslar üçün Qara dəniz sahili ölkənin ən məşhur yay tətili yerlərindən biri olaraq qalır.

Yerlilər üçün bu məsələ onların dolanışıq vasitələrinə dərin təsir göstərir, çünki bir çoxları dolanışıqları turizm mövsümündən asılıdır.