ABŞ-ın Arizona ştatını vuran və “haboob” kimi tanınan şiddətli toz fırtınaları, "Phoenix" Havalimanında uçuşları dayandırdı və on minlərlə insanı elektriksiz qoydu.

Federal Hava Administrasiyası (FAA) bildirdi ki, "Phoenix Sky Harbor" Beynəlxalq Havalimanında bütün uçuşlar dayandırıldı.

Təxminən bir saat sonra yenidən başlayan əməliyyatlarda isə uçuşlarda 15–30 dəqiqə gecikmələr yaşanıb.

Elektrik kəsintiləri də geniş əraziyə yayıldı. Ştatın böyük hissəsində 40 mindən çox evin elektriki kəsilmişdi.

Milli Hava Xidməti (National Weather Service) bildirir ki, günortadan sonra iki milyondan çox insan “toz fırtınası xəbərdarlığı” altında idi.

Fırtına axşam saatlarında şimala doğru hərəkət edərkən, "Black Canyon City" bölgəsində görmə məsafəsi ciddi şəkildə azaldı. Rəhbərlik, saatda 80 kilometrdən çox sürətli küləklərə görə sürücüləri fırtınaya girməməyə çağırdı.