Xəbər verdiyimiz kimi, şənbə günü axşam Moskvanın «Şeremetyevo» hava limanında iki A-321 tipli sərnişin təyyarəsinin qanadları toqquşub. Virtualaz.org «RenTV» telekanalına istinadən bildirir ki, mütəxəssislərin gəldiyi qənaətə görə, toqquşma nəticəsində hava gəmilərinə təxminən 1 milyon dollarlıq zərər dəyib.

***

22:34

Bu gün axşam saatlarında Moskvanın «Şeremetyevo» hava limanında iki təyyarə toqquşub.

Virtualaz.org «RenTV» telekanalına istinadən xəbər verir ki, hər iki təyyarə «Airbus-321» modelli olub. Onların qanadları bir-birinə toxunub.

Mənbə bildirir ki, Moskva vaxtı ilə 20:50-də (Bakı vaxtı ilə 21:50) Vladivostoka uçmalı olan təyyarə yanacaq doldurduğu vaxt qoşqu ilə aparılan digər hava gəmisi ilə toqquşub.

Hadisənin təfərrüatları araşdırılır.