vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Demokratiya bəzi xalqlara mənəvi qidadırsa, bizim üçün dərmandır»

Əbülfəz Elçibəy (1938 - 2000)
GÜNEY  
21:50 | 17 iyul 2022 | Bazar Məqaləyə 721 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ondan çox milli fəaldan xəbər yoxdur

Urmiya gölünün quruması ilə bağlı etirazlarda xeyli aksiya iştirakçısı həbs edilib

MÖVZU İLƏ ƏLAQƏLİ

Urmiya gölündə ekoloji fəlakətlə bağlı Urmiya şəhərində keçirilən etiraz aksiyasından sonra fars-molla rejiminin təhlükəsizlik qüvvələri Təbriz, Urmiya, Sulduz (Nəğədə) və Qoşaçay (Miyandab) kimi müxtəlif şəhərlərdə bir neçə azərbaycanlı milli fəalı həbs edib.

İnsan Haqları üzrə fəaliyyət göstərən HRA xəbər agentliyi və Ərk İnsan Haqları Cəmiyyəti həbs edilənlərin bəzilərinin adlarını açıqlayıb.

Təbriz şəhərində Xanım Həkimə Əhmədi, Həmid Purvəli, Yunis Mahmudi, Cəlal Dehqani, Yunis Quluzadə, İslam İmani, İbrahim Azəroğlu, Məhəmməd Mustafayi, Urmiyə şəhərində isə Huşəng Nağızadə və Mikayıl Qulipur, Rza Əkbərzadə, Sulduz (Nəğədə) şəhərində isə cənab Məsud Abbaszadə həbs edilərək təhlükəsizlik qurumlarının təcridxanasına köçürülüb.

Həmçinin Qərbi Azərbaycan vilayətində yerləşən Qoşaçay şəhərində cənab Cəlal Kudərilu, Mustafa Dövlətxah, Nadir Əmani, Vəli Zöhrabi və Nasir Hişməti təhlükəsizlik qüvvələri tərəfindən həbs edilərək naməlum yerə aparılıb.

Güney Azərbaycanın xəbər saytlarında dərc olunan xəbərə görə, bu gün, iyulun 17-də Urmiya sakinləri olan Mikayıl Qulipur və Huşəng Nağızadə şəhərin mərkəzi həbsxanasına köçürülüb.

İyulun 16-da bir həftə öncədən verilən çağırışdan sonra Urmiya şəhərində Urmiya gölünün quruması ilə bağlı yaranmış fəlakətli vəziyyətə etiraz olaraq aksiya keçirilib. Təbriz, Sulduz, Qoşaçay kimi digər şəhərlərdə isə təhlükəsizlik qüvvələrinin və polisin güclü müdaxiləsi nəticəsində etirazçılar sərt şəkildə dağıdılıb.