vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
DİGƏR NÖVLƏR  
01:48 | 24 oktyabr 2022 | Bazar ertəsi Məqaləyə 1655 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Mercedes”in son şansı...

... Yaxud Hamiltonu uduzduran təkərlər

Rauf HACIYEV

MÖVZU İLƏ ƏLAQƏLİ

Yarışın adamı kimdir? Verstappen? Alonso? Yoxsa Vettel? Məncə, üçü də.

Verstappen bu gün mümkünsüzü bacardı. Pitdə gecikdi. Əsas rəqibi Leklerlə mübarizə apardı və keçdi. Sonra əzəli rəqibi Hamiltonu keçdi. Adam elə bil playstationda “Formula 1” oynayır. Hamiltonun prime vaxtlarında belə bu cür performansını görə bilməmişdik. Bu adam əfsanədir. Bu adam dahidir.

5 il əvvəl zəhləm gedən pilot idi, amma get-gedə simpatiyam artır ona qarşı. Bu insanüstü performansdır.

Diter Mateşiçi yad etmək üçün gözəl an oldu. .

Alonso o zərbədən sonra gəldi komanda yoldaşını keçdi və 7-ci oldu. Bu adamın 41 yaşı var və öz dövrünün qızıl oğlanlarından olan Okonu iki qatlayır. Fransalıların mənasız yerlibazlığına görə komandadan gedir. Gələn il komanda Okonun liderliyində olacaq. Düşüncəsi belə gülməlidir.

Sebastyan Fettel axır ki, “Aston Martin”lə lider getdi. Heyf bəxti gətirmədi, yoxsa indi “Aston Martin” “Alfa Romeo”nu keçirdi. Amma birincinin xal seriyası davam edir. Vettelin son dövrədəki hücumu da nəyə desəniz dəyərdi.

Dünən dediyim kimi bura “Mercedes” üçün son şans idi. “Red Bull” da Hamiltona kömək etdi. Buna rəğmən uda bilmədi. Hamilton lazım olsa, orada ön qanadını qırmalı idi, amma Verstappeni buraxmamalı idi. Ümumilikdə təkər seçimi səhv idi. İşləmədiyini gördülər də. Niyə onda israr etdilər?