vaxtlı-vaxtında oxuyun! Şənbə, 20 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
GÜNDƏM  
09:18 | 17 noyabr 2022 | Cümə axşamı Məqaləyə 530 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Fransanın zəif yeri ...

Bayraqlarımızın belə oxşar olduğu kanaklara dəstəyin vaxtıdır

ELÇİN

MÖVZU İLƏ ƏLAQƏLİ

Fransanın xüsusi inzibati-ərazi vahidi sayılan Yeni Kaledoniyanın (Nuvelle-Calédonie) dövlət müstəqilliyi uğrunda mübarizəsində kanaklara, yəni yerli sakinlərə dəstək olmalıyıq.

Sakit Okeanın cənub-qərb hissəsində, Melaneziyada yerləşən bu kiçik adalar toplusu 1980-ci ildən bəri fransızların “melaneziyalılar” adlandırdıqları kanakların müstəqillik uğrunda fasiləsiz mübarizəsinə və müqavimətinə səhnədir.

Yeni Kaledoniyanın 54 yerlik parlamenti ilə Milli Məclisimiz əlaqələr qurmalıdır.

Deputatlarımız bilsin ki, Yeni Kaledoniya sakinləri Fransa parlamentinə 2 deputat, Fransa senatına isə 2 senator seçirlər.

İlkin olaraq Yeni Kaledoniyanın 4 sosialist partiyasını birləşdirən “Müstəqillik Uğrunda Milli İttifaq”ı (Union nationale pour l’indépendance) və kanakların müstəqilliyi uğrunda mübarizə aparan “Kanak Milli Azadlıq Sosialist Cəbhəsi” ilə siyasi təmaslara keçərək müzakirələrə başlamaq olar.

Yeni Kaledoniyada müstəqilliklə bağlı indiyədək keçirilmiş 3 referendumun sonuclarını da nəzərə almaq mütləqdir.

1987-ci ilin sentyabrın 13-də və 2020-ci ilin oktyabrın 4-də keçirilmişi iki referendum qalmaqallarla başa çatmışdı. 

2021-ci ilin dekabrında keçirilmiş üçüncü referendum isə ümumiyyətlə, tragikomediya idi. Nəticələri total saxtalaşdırılmış səsverməyə görə, guya kanakların 95 faizi (!) müstəqilliyin əleyhinə səs vermişdi.

Halbuki Yeni Kaledoniyanın müstəqilliyini tələb edən və adlarını az əvvəl çəkdiyim iki partiya yerli parlamentdə ən böyük fraksiyalara malikdir.

Emmanuel Makron administrasiyasının daha bir idiotizmi budur: Yeni Kaledoniya sakinlərinin 95 faizi referendumda müstəqilliyin “əleyhinə səs verir”, parlament seçkilərində isə elə həmin şəxslərin 83 faizi müstəqilliyi tələb edən partiyaları dəstəkləyirlər.

Azərbaycan parlamenti Yeni Kaledoniyadan olan həmkarları ilə əlaqələrə başlamalıdır.