Nazilən haqqın üzüntüsü ...
... Yaxud Avropalılığından saparaq təxribatlara saplanan Fransa
Qənirə PAŞAYEVA, millət vəkili
MÖVZU İLƏ ƏLAQƏLİ
-
Hotelin altından 640 illik qala tapılıb
Xəndəklənmiş binada sikkələr, zinət əşyaları ilə yanaşı mebel də olub
-
Le Pen qəyyumluğa götürüldü
Fransa ifrat sağçı partiyanın liderliyi atadan qızına ötürülüb
-
Dezinformasiya yayanlara sanksiya
Fransa XİN Rusiya şirkətlərini hədələdi
-
Avropada traktor inqilabı
Qitənin inkişaf etmiş ölkələrinin fermerləri üsyana qalxıb
-
Fransanın qatı ermənipərəst baş naziri
Attalın yəhudi əsilli olması heç nəyi dəyişmir
-
Pis deyil, Pive ilə gedər...
... Yaxud “Nansy” arasında bağlılıq
-
Ya fransız olun, ya da fransız...
Cinsi azlıqlara haqq tanıyan Makron, etnikləri gömür
-
Fransada dəhşətli yanğın
Çoxlu insan, o cümlədən uşaqlar həlak olub
-
Makrona maxinasiya şoku
“McKinseygate” qalmaqalı ilə bağlı araşdırmalar başladı
-
“Onsuz da öyrənmək çətindir”
Bricit Makron fransızcanın müdafiəsində ...
-
La-Manşda qayıq batıb
30-50 arası miqrantın axtarışına başlanılıb
-
AİHM Fransanı təqsirli bilib
Rəsmi Paris hər ailəyə 7150 avro təzminat ödəyəcək
-
Paris qaranlığa qərq oldu
İşıqları kəsilən əhali yanğınsöndürənlərə zəng edib
-
“Onu asanlıqla aldadırlar”
İranlı nazir: “Makron MKİ tərəfindən idarə olunur”
-
“Ordunu araşdırmaq olarmı?”
Fransa hökuməti azad söz qarşı
-
“Təslim olub əlmi görüşək?”
Makronun rusiyapərəst açıqlaması başına iş açdı
Fransanın Milli Assambleyası 30 noyabr 2022-ci ildə Azərbaycan Respublikasına qarşı növbəti qərəzli siyasi aksiya təşkil edərək, əsilsiz qətnamə qəbul edib. Milli Assambleya 2020-ci ilin dekabrında da (“Erməni xalqının, Avropa və Şərqin xristian icmalarının qorunması” adlı qətnamə ilə) Azərbaycana qarşı qərəz və ədalətsiz yanaşma nümayiş etdirdi. Bu il (15 noyabr 2022-сi il) və iki il öncə, Fransa Senatı da beynəlxalq hüquq norma və prinsiplərinə sayğısızlıq edərək respublikamızın ərazi bütövlüyünü, suverenliyimizi hədəf aldı. Senatın və Milli Assambleyanın qərəzli, qeyri-obyektiv, ədalətsiz aktları Fransada qanunverici orqanların marginallaşdığını, öz ilkin mandatından saparaq açıq siyasi təxribatlar meydanına çevrildiyini göstərir.
Fransa Milli Assambleyasının qətnaməsi özünə hörmət qoyan heç bir qanunverici orqan tərəfindən qəbul edilməməli olduğu kimi, bizi də haqlı işimizdən, ədalətli yolumuzdan əsla döndərə bilməyəcək.
Biz fransız parlamentarilərin ədalətsiz mövqeyini, əsassız qətnaməsini qətiyyətlə rədd edir, onu heç bir şəkildə qəbul etmirik! Bu, növbəti siyasi riyakarlıqdan başqa bir şey deyil.
Fransa öz tarixinə baxıb utanmalı, öz gələcəyini də ədalətsizliklər üzərində qurmamalıdır.
Ermənistanın Azərbaycana qarşı uzun illər boyu davam etmiş işğalçılıq – danılmaz etnik təmizləmə siyasətini, 26 fevral – Xocalı Soyqırımını, 44 günlük müharibənin gedişində respublikamızın cəbhədən uzaq şəhərlərində mülki əhali və infrastrukturun qadağan olunmuş raketlərlə atəşə tutulmasını “unudaraq”, anti-Azərbaycan sənədini qəbul etmiş istənilən təsisat, qeyri-sağlam maraqların peşində olduğunu göstərir. – Ədalətli, obyektiv, qərəzdən uzaq qətnamə qəbul etmək istəyən hər hansı təsisat qeyd olunan həqiqətlərə, danılmaz faktlara, gerçəkliklərə göz yummamalıdır.
BMT Təhlükəsizlik Şurasının daimi üzvü, Avropa Birliyinin təsisçisi, NATO-nun qurucu üzvü və ATƏT-in keçmiş Minsk qrupunun həmsədri olan Fransa məsuliyyətli olmağa ikiqat, dördqat borcludur.
Fransa işğal dönəmində Azərbaycan Respublikasının 9 şəhər, 300-dən artıq qəsəbə və kəndinin tamamən dağıdılması, ermənilərin bir neçə addımdan bir mina basdırmasını hesaba almırsa, elə bu özü müharibə cinayətinə ortaq olmaqdır.
Balaca bacısı Ermənistan 4000 nəfərə yaxın azərbaycanlının taleyi barədə, kütləvi məzarlıqların yeri haqqında bilgi vermədiyinə görə də Fransa məsuliyyətə ortaqdır (ən azı mənəvi məsuliyyət daşıyır).
Uzun sözün qısası,
Azərbaycan öz torpaqlarını işğaldan azad edib, Ermənistan və onun böyük bacısı Fransa kimi işğalçılıqla məşğul olmayıb. Bizi “müharibə cinayətləri” törətməkdə əsilsiz ittihamlarla haqq yolundan çəkindirməyə çalışan Fransanın tarixisə danılmaz, konkret müharibə cinayətləri, insanlıq əleyhinə suçlarla doludur.
Yaxın-uzaq coğrafiyalarda əllidən çox dövlətin qanuni ərazisini zorla işğal edən, başqa ölkələrin sərvətlərini talayan, xalqlara zülm edən, soyqırım aktları törədən Fransa sussa daha yaraşıqlı olar. Hər ədalətsiz qətnamə onu öz keçmişi ilə üzləşməyə daha da yaxınlaşdıracaq.
Haqq nazilər üzülməz!