İlkin yayılan məlumatlar təsdiq edir ki, Brüsseldə yaxşı nəticələr əldə olunub. Prezident Əliyev Azərbaycan adına daha bir diplomatik zəfər əldə edib.

Haylar da çox narahatdırlar - onlara məxsus sosial media seqmentində pəjmürdəlik hökm sürür.

Brüssel görüşündən 2 gün əvvəl dövlət böyüklərinin biri ilə görüşmüşdük. (Bir neçə redaktorla bərabər; - görüşün formatı işçi və qapalı olduğu üçün təfsilat yazmıram.)

Bizim üçün verilən xidməti açıqlamalarından məlum oldu ki, Azərbaycan Belçikaya 3 əsas strateji hədəflə gedir (tələb deyil, hədəf!)

İndi yayılan məlumatlardan anladığıma görə, onların ikisi demək olar ki, razılaşdırılıb! Paşinyan bir sıra yüklərə girməyə məcbur qalıb!

Geriyə qalır, bizim diktəmiz və tələblərimizlə formalaşan Sülh Müqaviləsini imzalatmaq və düşmənin kapitulyasiyasını tamamlamaq.

O da bu iki strateji hədəfin ardınca gəlir və zamana, eləcə də mərhələlərə bağlıdır. Paşinyan və Ermənistan o Sülh Müqaviləsini yaxın aylarda mütləq imzalayacaq!

Biz əsas məsələni döyüş meydanında həll etmişik. Bunun geriyə dönüşü yoxdur! Üstəlik, dünyada yaranmış məlum durum və ABŞ - Rusiya müharibəsi də bizim işlərimizi tamamlamağa yaxşı imkanlar yaradır.

Allah istəyəndə, dünyanı sarsıdan koronavirus da  “müttəfiq” ola bilir...

Necə ki, 2020-ci ildə elə oldu!

Dünyanı sarsıdan Kollektiv Qərb - Rusiya müharibəsi də, mənfi təsirləri ilə bərabər, Ermənistan və Qarabağla bağlı fəaliyyətlərimizdə, eləcə də Azərbaycan (Türkiyə) amilinin əhəmiyyətinin artması ilə, bizə geniş imkanlar yaradır...

Məsələn, istənilən an Qarabağda “xüsusi əməliyyat” başlaya və onu 3-4 gün içində tamamlaya bilərik.

Buna görə bizə söz deyən yəqin ki,  olar...

Lakin kimsə real olaraq,  heç nə edə bilməz!

Nə Rusiya, nə də kollektiv Qərb, nə də İran!

Brüssel görüşü bax, bu cür “xüsusi əməliyyat” öncəsi Ermənistana və Avropa İttifaqına, bütün vasitəçi - dəstəkçilərə verilən son şans idi!

Dinc, rahat, qansız alternativ təklifidir! Bizcə, düzgün dəyərləndirildi.

Qarabağ Azərbaycandır və bu torpaqlarda biz nə desək, o da olacaq!

Bu torpaqlarda əli silahlı 1 ədəd erməni terrorçusu da qala bilməz!

Bu torpaqların hər guşəsində Azərbaycan bayraqları dalğalanmalıdır!

Belə də olacaq!