Xəritəyə diqqətlə baxsanız görəcəksiniz ki, Çin və Orta Asiyadan quru ilə Avropaya aparan nəqliyyat koridorunun dar hissəsi Azərbaycan və Gürcüstan ərazilərindən keçir. Şərqdən Qərbə doğru təbii ehtiyatların daşınma xətti, nəqliyyat dalanına çevrilmiş, İran və Rusiyanın sıx əhatəsindədir. Digər tərəfdən, Ermənistan bu xəttin qarşısını alan ən ciddi maneələrdən biridir.

Məhz buna görə, Azərbaycan-Ermənistan münasibətlərinin tezliklə həm müstəqim, həm də məcazi mənada yoluna qoyulması Avropa və Asiya ölkələri üçün həyati əhəmiyyət daşıyır. Yazılanları ABŞ və Avropada çox yaxşı anlayırlar, sözü gedən nəqliyyat koridorunu genişləndirməyə yönəlik Avropanın və ABŞ-ın çalışmaları göz qabağındadır. Bütün bunlar Makronun hansı oyun oynadığını tam aydın edir.

Qazaxıstanın yeni seçilmiş prezidenti Tokayevin Moskvadan sonra dərhal Parisə yola düşməsi təsadüf deyil və ola da bilməz. Fransanın duyğusal və “təəssübkeş” prezidentinə nəhayət, onun ana dilində (Tokayev fransız dilini çox yaxşı bilir) izah edilməlidir ki, onun “erməni məhəbbəti” oyunu həm də Asiyanın böyük ümid bəslədiyi layihələri heçə endirə bilər...