Ukrayna Müdafiə Nazirliyinin Baş Kəşfiyyat İdarəsinin (GUR) bəyanatında bildirilir ki, Rusiya Ukraynanın Azərbaycan və Ermənistanla münasibətlərini pozmağa cəhd göstərir.

Qeyd olunur ki, Ermənistan informasiya məkanında Ukrayna hərbi kəşfiyyatının guya Azərbaycanla Ermənistan arasında silahlı münaqişəyə təşəbbüs göstərməsi və ya bu prosesə dəstək verməsi ilə bağlı saxta məlumatlar yayılır. Bu dezinformasiya aktiv şəkildə “Telegram” kanalları vasitəsilə tirajlanır. Xüsusilə, bu cür iddialarda iki ölkə arasında yeni müharibənin Rusiyanı “ikinci cəbhə” açmağa məcbur edəcəyi və bunun Ukraynanın xeyrinə olacağı bildirilir.

Bu informasiya hücumunun əsasını Ukrayna GUR-un guya Ukrayna müdafiə nazirinin müavini İvan Qavrilyuka ünvanladığı “hesabat” təşkil edib. Sənəddə “Їvan” əvəzinə “İvan”, “SDR” əvəzinə “EGRPOU” kimi bir sıra səhvlər mövcuddur ki, bu da onun saxta olduğunu göstərir. Bundan əlavə, sənəd Ukraynada rəsmi sənədlərin tərtib olunma qaydalarına uyğun gəlmir.

“Bu informasiya əməliyyatının keçirilməsi Ukraynanın imicini ləkələməyə, Ukrayna-Ermənistan və Ukrayna-Azərbaycan münasibətlərini pisləşdirməyə yönəlib ki, bu da ilk növbədə təcavüzkar dövlət olan Rusiyanın maraqlarına xidmət edir”, – deyə GUR vurğulayıb.