İran adlanan molla-fars rejimi 46 ildir ki, qadınlara zorla geyim və hicab qaydaları tətbiq etməyə çalışdı amma artıq bu təzyiq siyasəti kütləvi mədəni etirazlarla qarşılanır.

1979-cu ildə hakimiyyəti ələ keçirən molla-fars rejimi, qadınların şəxsi azadlıqlarını boğaraq hicabı dövlətin əsas ideoloji sütunlarından birinə çevirdi. Lakin ötən illər ərzində bu məcburi siyasətə qarşı ictimai narazılıq artıb və xüsusilə son illərdə kütləvi etirazlar ölkədə yeni bir reallıq yaradıb.

Son aylarda İran adlanan rejim hicab qaydalarını daha da sərtləşdirmək üçün yeni cəzalar tətbiq etməyə çalışsa da, insanların bu qaydalara əməl etmədiyi açıq şəkildə görünür. Rejimə bağlı mənbələr də etiraf edir ki, məcburi hicab artıq sadəcə bir kağız üzərində qalan bir qanundur və onu tətbiq etmək getdikcə çətinləşir.

Sözsüz ki, İran adlanan molla-fars rejiminin bu uğursuz hicab siyasəti ölkədə daha böyük sosial parçalanmalara və rejimə qarşı mübarizənin güclənməsinə səbəb olacaq. Kütlə artıq diktə olunan geyim tərzini və məcburi dini qaydaları qəbul etmir və illərdir davam edən bu təzyiq siyasətinin sonuna yaxınlaşır.

Heç şübhəsiz İran adlanan ölkədə aparılan sosial, siyasi və milli zəmində mübarizə yaxın gələcəkdə öz nəticəsini verəcək və orada yaşayan qeyri-fars millətlər, o cemlədən Güney Azərbaycan türkləri Azadlıq, Ədalət, Milli hökumət şüarı altında öz gələcəyini özü bəlirləyəcək.