Gürcüstan müxalifətindən nə xəbər var? Nəsə səs gəlmir.

Nə xarici mətbuat yazmır onlardan, nə Avropalı deputatların, nə də ABŞ konqresmenlərinin yadlarına düşmürlər indi.

Hətta burada FB-də onların addımlarını boğazı ağrıyanadək dəstəkləyənlər, “Onlar filan şeyi düz etmirlər”, deyənləri daşqalaq edənlər də unutdular deyəsən onları.

Seçkilərdə Gürcü parlamentinin 100-də 40-nı qazanmışdılar.

Parlamentə getməkdən imtina edib hakimiyyəti tam ələ keçirməyə çalışdılar Prezident (keçmiş) Solome Zurabişvilinin ağbirçəkliyi altında .

100 min etirazçı gecəli-gündüzlü küçələri doldurdu.

Avropadan, ABŞ-dan qızışdırdılar müxalifəti. Hökumətə hər cür basqı yapdılar, hədələdilər, insanları etirazlara qızışdıran addımlar atdılar.

Müxalif qüvvələr həmin günlərdə hökumətlə siyasi alverə gedib bəzi şərtlər altında parlamentə getsəydi, indi də guruldayırdılar.

Müxalifətin gücü daha çox olacaqdı indi. Yetkisi və etkisi daha çox olacaqdı. Qərarların qəbuluna təsir imkanları olacaqdı.

Gürcüstan daha güclü və sayğıdəyər olacaqdı.

Müxalif güclər, fəallar belə marginal duruma salınmayacaqdı. Fəal gənclər belə ümidsizləşməyəcəkdi. Demokratik institutlar daha çox qorunmuş olacaqdı.

“Ya bütün hakimiyyət, ya heç nə!” taktikası iflasa uğradı.

Salome Zurabişvili onları başına yığıb yoldan çıxardı. Sonacan əl çəkməyəcəm, Prezident sarayından çıxmayacam, deyirdi.

İndi nə işlə məşğuldur, görən?