İngiltərə Ali Məhkəməsinin “qadın”ın qanuni tərifi ilə bağlı verdiyi qərar və onun gətirdiyi müzakirə və qeyri-müəyyənlik futbol meydanına da öz əksini tapıb.

Ali Məhkəmənin keçən ay “qadın olmağın qanuni tərifinin bioloji cinsiyyətə əsaslanması” qərarını verən qərarı paytaxt Londondakı “Goal Diggers” FC futbol klubunun transseksual oyunçuları arasında indi harada və kimə qarşı oynaya biləcəkləri ilə bağlı qeyri-müəyyənlik və çaşqınlıq yaradıb.

***

Məhkəmə aprel ayında verdiyi qərarda bərabərlik qanunları çərçivəsində qadın tərifinə trans qadınların deyil, yalnız "bioloji qadınların" uyğun gəldiyinə qərar verib.

Böyük Britaniyanın bərabərlik orqanının tezliklə yeni təlimatlar dərc edəcəyi gözlənilsə də, aralıq təlimatlar trans insanlara aid olduqlarını və bir hissəsi kimi yaşadıqlarını hiss etdikləri cinsiyyətə görə ayrılmış obyektlərdən istifadə etməyi qadağan edir. Bunlara tualet və paltardəyişmə otaqları daxildir.

***

“Goal Diggers” klubu 2015-ci ildə təcrübəsindən və bacarığından asılı olmayaraq bütün qadınların və iki cinsli sistemin içində yerləri olmayan (non-binary) oyunçuların futbola daha geniş çıxışını təmin etmək üçün yaradılıb. Klub iyunun 1-dən etibarən trans qadınları qadın futbolunda qadağan edəcək İngiltərə Futbol Assosiasiyası ilə əlaqəli liqanı tərk etdi. “Goel Diggers” bu qaydaları tətbiq edən digər liqaları tərk edəcəklərini söyləyib.

***

“Onlar Futbol Assosiasiyasının tərəfində ola bilər, lakin biz trans üzvlərimizlə birlikdəyik... Nəticədə, biz daha inklüziv ərazilər yaratmaq üçün çalışacağıq”, – klubun təsisçisi Fler Kazens “Reuters”ə deyib.

Assosiasiya mayın 1-də elan edib ki, qeydiyyatdan keçmiş trans qadın oyunçularla əlaqə saxlayıb, onlara dəyişikliklər və oyunda necə qala biləcəkləri barədə məlumat verəcək.

***

Qadın Hüquqları Şəbəkəsinin lobbi qrupunun idman koordinatoru Ceyn Sallivan da məhkəmənin qərarını "alqışladıqlarını" söyləyib. Sallivan, trans qadınların “kişi kimi doğulduğu üçün” fiziki üstünlüyə malik ola biləcəyini və “tək cinsli bölgələrin qorunub saxlanması lazım olduğunu” müdafiə edib. Sallivan əlavə edib ki, onun qurumu yeni qaydalara əməl etməyənləri izləyəcək.

Nottingem Hüquq Məktəbinin idman hüququ eksperti Sima Patel, bərabərlik orqanının hələ tam təlimatlarını dərc etmədiyini söyləyib və bundan əvvəl Futbol Assosiasiyasının hərəkətə keçməsinin hələ tez olduğunu qeyd edib.

“Goal Diggers” komandasında digər LGBTI+ insanlarla birlikdə oynayan 26 yaşlı Semmi Ris, qərarın trans insanlara diqqət yetirməyin çətin olduğunu söyləyib. "Mən özümü daha çox mühakimə edirəm, daha tənqidiyəm... Başqalarının məni necə mənfi gördüyü barədə daha çox düşünürəm. Bu, mütləq öz təsirini göstərəcək... Mən hələ də ümid edirəm ki, bunların hamısı pis bir yuxudur”, – Ris deyib.