ABŞ-da bir kilsədə uşaqlara atəş açan hücumçunun gündəliyi ortaya çıxdı. Robin Vestman (Robin Westman) yazmışdı ki, “Getdiyim hər məktəbdə silahlı hücum təşkil etməyi xəyal edirdim”.

ABŞ-ın Minneapolis ştatında bir kilsədə silahlı hücum həyata keçirən 23 yaşlı Robin Vestmanın gündəliyi mediaya təqdim edildi.

Gündəlikdə Vestman iddia edir ki, uşaqlıqda sinif yoldaşları ilə məktəbdə baş vermiş silahlı hücumları müzakirə etdikdən sonra məktəbdən uzaqlaşdırılıb və daha sonra bu hadisənin kitlesel qatillərə olan dərin obsesiyasının qaynağı olduğunu yazıb.

On il sonra Vestman Annunciation Katolik Məktəbinə qayıtdı və bu qaranlıq fantaziyalarını reallaşdırdı; çərşənbə günü səhər bir ayin zamanı iki uşağı öldürdü və 18 nəfəri yaraladı. Minneapolis bu silahlı hücuma hələ də şokda ikən, rəsmi orqanlar Vestmanın hücum zamanı eyni zamanda “YouTube”da paylaşdığı dağınıq yazılarını araşdıraraq cinayətin səbəbini öyrənməyə çalışırlar.

“Məni tapın, kömək edin”

Vestman hücumu diqqətlə planlayarkən, keçən həftə kilsəyə getdiyini yazıb, interyerin sxemini çəkib və silahları sınaqdan keçirərkən tutulmaq istədiyini də işarə edib. Vestman onu əhatə edən “qaranlıq enerji” barədə şərh verən bir ailə üzvünü qeyd etdikdən sonra belə yazıb: “Məni tapın, kömək edin. Kömək edin deyə qışqırıram.”

Rəsmi orqanlar CNN-ə təsdiqləyib ki, Vestman qısa müddət əvvəl “Annunciation” kilsəsini ziyarət edib və Katolik inancına yenidən bağlanmaqla maraqlanırmış kimi davrandı. Vestman gündəliyində yazıb ki, qapı tutacaqlarına baxıb, qurbanları ən yaxşı şəkildə içəridə kilidləmək üçün hesablamalar aparıb və müəllimlərin harada olduğunu qeyd edib. Polis bu yazıları manifest kimi qiymətləndirsə də, CNN-in araşdırması göstərdi ki, əl yazısı girişləri ardıcıl bir məqsəd bəyanı və ya siyasi bildirişdən çox, hücumçunun problemli düşüncə vəziyyətinə dair qarışıq, şüur axını pəncərəsidir.

Vestman yazıb: “Bu kilsəyə və ya dinə qarşı bir hücum deyil, mesaj bu deyil. Mesaj, mesajın olmamasıdır.”

“Psixiatrla danışa bilmərəm, ifşa olunaram”

Gündəlik qeydləri Vestmanın şəxsi düşüncələrinə narahatedici və geniş baxış təqdim edir. Katil qeyd edib ki, diqqətdən qaçmaq üçün çalışır və kimsə gündəliyi tapsa, qeydləri Kiril əlifbası ilə “şifrələyib”.

Vestman yazıb: “Həqiqətən yalnız düşüncələrimi yaza biləcəyim bir yer istəyirəm. Terapevtlə və ya ailəmlə danışa bilmərəm, çünki dərhal xəbər verilər və nəzarət siyahısına düşərəm”.

Gündəlikdə qeyd olunub ki, Vestman illərdir depressiya ilə mübarizə aparır və intihar, cinayət düşüncələri ilə mübarizə edirdi. Vestman yazıb: “Sevgi dolu ailəm və mənim uğur qazanmağımı istəyən insanlardan ibarət yaxşı bir dəstək sistemim var. Nədənsə, kifayət qədər yaxşı həyatım olması və insanları öldürmək istəməm mənim üçün heç vaxt bir-biri ilə əlaqəli olmadı.”

“Silahlı hücum olarsa, harada gizlənərdin?”

Vestman əlavə edib: “Gediyim hər məktəbdə bir məqamda məktəbimdə silahlı hücum təşkil etməyi xəyal etdim. Hətta hər işimdə də”. Vestman yazıb ki, bu fantaziya 7-ci sinifdə baş verən bir hadisə ilə başlayıb.

Vestmanın o dövrdə hansı məktəbə getdiyi məlum deyil. Keçmiş bir sinif yoldaşı yerli KSTP xəbər kanalına bildirib ki, gələcək qatili Saint Paul’dakı bir məktəbdə 7-ci sinifdə oxuyurdu və Vestmanın Hitler’i tərifləyən narahatedici davranışlar sərgilədiyini xatırlayıb.

O dövrdə, bir gündəlik qeydinə görə, Vestman bir qıza “Məktəbdə silahlı hücum olarsa, harada gizlənərsən?” deyə soruşmuşdu. Lakin gündəliyə görə, şagird bunu böyüklərə bildirdikdən sonra Vestman bir həftə məktəbdən uzaqlaşdırılmışdı. Vestman yazıb: “Əsasən, heç bir şey nəzərdə tutmadığıma söz verdim.”

“Nə olduğunu heç kim öyrənə bilmədi”

Başqa bir keçmiş sinif yoldaşı “Annunciation” məktəbinin Vestmana bir vaxtlar intizam cəzası verdiyini xatırlayır, amma baş verənlərin detalları barədə məlumatı olmadığını deyib. “Bu barədə bəzi dramlar yaşandı. Tələbələr və valideynlər bunun nə olduğunu heç vaxt öyrənə bilmədilər,” deyə qeyd edib.

Gündəlikdə digər kütləvi qatillərlə bağlı müzakirələr və Vestmanın uşaqları öldürməkdən zövq aldığı, 2012-ci ildə Connecticut’dakı Sandy Hook ibtidai məktəbində 20-si uşaq olmaqla 26 nəfəri öldürən Adam Lanza kimi qatillərin izindən getdiyi barədə qaranlıq fantaziyalar yer alır. Gündəlikdə həmçinin irqçi və antisemit təhqirlər də diqqət çəkir.

“Özümü dayandıra bilmərəm”

Bu ilin əvvəlində, kütləvi zorakılıqla bağlı fantaziyalara qapılsa da, Vestman ailə üzvlərinə zərər verməmək üçün hücum etməməyə qərar verdiyini yazırdı.

Lakin son aylarda bu vəziyyət dəyişdi.

Daha yeni gündəlik qeydinə görə, Vestman yazıb: “Bunu etmək istəmirəm, özümdən nifrət edirəm. Geri qayıda bilmərəm. Özümü dayandıra bilmərəm”.